O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

Mamlakatni  o’rganishning  asosiy  uch  yo’nalishini  ko’rsatish 
mumkin:  birinchidan,  uning  iqtisodiy  rivojlanish  tendenstiyalarini    o’rganish 
lozim. Hozirgi sharoitda inqiroz holatlari, ularning tahlili va kelajagini belgilash 
alohida  ahamiyat  kasb  etadi.  Ikkinchidan,  mamlakat  hukumatining  ijtimoiy-
iqtisodiy  tadbirlari,  siyosiy  partiyalarning  kurashi,  parlamentdagi  ahvol, 

---

 
40 
 
ijtimoiy-siyosiy  tashkilotlarning  ahvoli,  hukumat  muassasalarining  barqarorligi 
va  albatta,  ichki  siyosatning  tashqi  siyosatga  ta’sirini  diqqat  bilan  o’rganish 
lozim.  Uchinchidan,  tashqi  siyosat,  uning  asosiy  yo’nalishlari,  mazkur 
mamlakatning  qo’shni  va  uzoq  xorijiy  davlatlar  hamda  davlatlar  guruhi  bilan 
o’zaro munosabatlari alohida e’tibor bilan o’rganilishi lozim.  
 
Ko’pgina  mamlakatlarning  tajribasi  shuni  ko’rsatadiki,  o’zi  turgan 
mamlakatning iqtisodiy, siyosiy ahvoli haqida axborot to’plashni yaxshi tashkil 
qilish  uchun  ishni  shunday  uyushtirish  lozimki,    elchixonaning  har  bir 
diplomatik  xodimi  axborot  to’plash  uchun  bazaga  ega  bo’lsin.  Bunday  baza 
mazkur mamlakatning matbuoti bo’lishi mumkin, chunki u axborot to’plashning 
birinchi manbai bo’lib hisoblanadi. Boshqa hollarda esa shaxsiy muloqot, ya’ni 
aholining  turli  tabaqasiga  mansub  shaxslar  bilan  suhbatlar  tashkil  qilish  - 
mamlakat  aholisini    qiziqtirgan  siyosiy  va  iqtisodiy  masalalar  xususida 
tassavurga  ega  bo’lishning  muhim  manbai  hisoblanadi.  Shu  bilan    birga 
mamlakat hayotining ayrim jihatlari xususida aniq tasavvur hosil qiladi. 
  
Bo’limning  biror  xodimi  yoki  guruh  rahbarlari  har  kungi  matbuotdagi 
materiallarining  qisqacha  sharhini  tayyorlaydi.  Ayrim  yirik  davlatlarda  juda 
ko’p  gazetalar  chiqadi.  Ularni  har  kuni  kuzatib  borish  mumkin  emas.  Shuning 
uchun  mamlakatning  siyosiy  qiyofasini  belgilovchi  5-10  ta  eng  yirik  gazetalar 
olinadi va ulardagi materiallar asosida sharx tayyorlanadi. Shundan so’ng ertalab 
elchi  yoki  maslahatchi  huzurida  butun  diplomatik  tarkib  to’planadi  va  sharhni 
tayyorlagan  xodim  u  bilan  barchani  tanishtiradi.  Bu  20-30  minut  davom  etadi. 
So’ng  matbuotning  shu  kungi  materiallari  bilan  tanishtirib  boshqa  xodimlar 
o’zlari shug’ullanadigan masalalar bo’yicha yangi materiallar bo’yicha axborot 
beradilar.