O’zbekiston respublikasi oliy va o’rta maxsus ta’lim vazirligi toshkent davlat iqtisodiyot universiteti

5.2. Elchixona ishini tashkil qilish 
O’zi  turgan  mamlakatni  o’rganish,    uning  siyosiy-iqtisodiy  ahvoli,  unda 
ro’y  berayotgan    muhim  voqealar  haqida  zarur  ma’lumotlarga  ega  bo’lish  va 
ularga  to’g’ri  baho  berish  nihoyatda  muhimdir.  Zero  o’z  vaqtida  shu  kabi 
ma’lumotlarni olish, uni o’rganish asosidagina diplomatik vakolatxona jiddiy va 
keng  miqyosda  faoliyat  ko’rsatishi  mumkin.  Bu  vazifa  ayniqsa,  hozirda 
dunyodagi voqealar juda tez va keskin tus olayotgan bir paytda alohida ahamiyat 
kasb  etmoqda.  Bu  vazifaning  muvafaqiyatli  bajarilishidan  manfaatdor  bo’lgan 
hukumatlar  o’z  qarorlarini  to’g’ri  va  o’z  vaqtida  qabul  qilishi,  u  yoki  bu 
masalalarga o’z vaqtida munosabat bildirishi talab qilinmoqda. 
Elchixonaning  axborot  sohasidagi  faoliyati  keng  qamrovli  bo’lishi 
mamlakatda  ro’y  berayotgan  siyosiy-iqtisodiy  omillarning  atroflicha  tahlilidan 
iborat  bo’lishi  lozim.  U  siyosiy  voqealarga  ta’sir  ko’rsatuvchi  kuchlarni 
ko’rsatishi,  siyosat  olamidagi  omillarni  tahlil  qilishi,  har  bir  mamlakatdagi 
mavjud  peshqadam  kuchlar,  parlament  guruhlarining  elchixona  turgan 
mamlakatdagi siyosiy voqealarga munosabatini ko’rsatishi lozim.