|
Кадастр рақамининг таркиби ва уларни шакллантириш
Ер участкалари, бино ва иншоотларни Ўзбекистон Республикасида идентификациялаш тизими ягона принцип бўйича қурилади, унга ер участкасининг кадастр рақами асос қилиб олинган.
Кадастр рақами ер участкаси, бино, иншоотга тегишли Ўзбекистон Республикаси ҳудудида такрорланмайдиган рақамдир, у қонун ҳужжатлари билан белгиланган тартибда уни шакллантиришда берилади ва у рўйхатдан ўтказилган ҳуқуқнинг ягона объекти сифатида мавжуд бўлгунига қадар сақланиб колади.
Кадастр бўйича рақамлаш тизими ер участкалари, бинолар ва иншоотларнинг кадастр рақамларини идентификациялаш ва ҳисобга олишнинг ягона тизимига интеграция қилинади.
Қуйидагилар ер участкаси, бино, иншоот кадастр рақамининг мажбурий элементларини ташкил этади:
минтака (Қорақалпоғистон Республикаси, вилоятлар ва Тошкент шаҳри)нинг рақами;
минтака таркибидаги маъмурий туман ёки вилоят бўйсунишидаги шаҳарнинг рақами;
кадастр зонаси рақами;
кадастр массиви рақами;
кадастр мавзеси рақами;
ер участкаси рақами;
бино, иншоотнинг рақами;
бино, иншоот бир қисмининг рақами.
Кадастр рақами қуйидаги тузилмага эга:
АА : ВВ : СС : DD : EE : FFFF : GGGG : HHH,
бунда: АА минтаканинг рақами (коди) ни билдирувчи икки разрядли ўнли сон;
ВВ минтака таркибидаги маъмурий-ҳудудий тузилма (маъмурий туман, вилоят бўйсу-нишидаги рақами (коди) ни билдирувчи икки разрядли ўнли сон;
Ўзбекистон Републикаси ҳудудлар, туманларнинг шаҳарнинг кодлари 4-иловага мувофиқ қабул қилинади
СС кадастр зонаси рақами (коди) ни билдирувчи икки разрядли ўнли сон;
DD кадастр зонаси доирасида кадастр массиви рақами (коди) ни билдирувчи икки разрядли ўнли сон;
ЕЕ кадастр массиви доирасида кадастр мавзеси рақами (коди) ни билдирувчи икки разрядли ўнли сон;
FFFF кадастр мавзеси доирасида ер участкаси рақами (коди) ни билдирувчи тўрт разрядли ўнли сон;
GGGG ер участкаси доирасида бино, иншоот рақами (коди) ни билдирувчи тўрт разрядли ўнли сон;
ННН бино, иншоотлар бир қисми рақами (коди) ни билдирувчи уч разрядли ўнли сон.
Кадастр зоналари, массивлари ва мавзеларини кадастр бўйича бўлиш ва шакллантириш вақтида уларнинг чегаралари, одатда, шаҳарлар, шаҳар туманлари, қишлоқлар, овулларнинг маъмурий чегараларига тўғри келади. Кейинчалик, маъмурий чегаралар ўзгарганда, кадастр бўйича бўлиниш схемасига тегишли ўзгартиришлар киритилади.
Ер участкасининг кадастр рақамини шакллантириш ер участкаси кўчмас мулк объекти сифатида шакллантирилган ва унинг чегаралари туман (шаҳар) навбатчи индексли кадастр харитаси (режаси) га киритилганидан кейин бошланади.
Ер участкаларига, бинолар ва иншоотларга, биноларнинг, иншоотларнинг бир қисмига кадастр рақамлари бериш ушбу объектларга эгалик қилиш ҳуққуқлари давлат рўйхатидан ўтказиш идоралари томонидан ўтказилган ҳолларда Ўзбекистон Республикаси Ер ресурс-лари, геодезия, картография ва давлат кадастри давлат қўмитасининг Қорақалпоғистон Республикаси, вилоятлар ва Тошкент шаҳар Ер ресурслари ва давлат кадастри бошқармалари томонидан амалга оширилади
Бино, иншоотнинг кадастр рақами бинолар ва иншоотларнинг ер участкаси чегараси-даги навбатдаги тартиб рақами сифатида шакллантирилади.
Бино, иншоотлар бир қисмининг кадастр рақами асосий бино, иншоот чегарасидаги навбатдаги тартиб рақами сифатида шакллантирилади.
Янгидан суратга олиш (тузатишлар киритиш), рўйхатга олиш, янги кадастр харита (режа) ларини тайёрлаш вақтида ер участкаси, бино ва иншоотнинг (уларнинг бир қисмидан ташқари) кадастр рақамини ташкил этувчи мажбурий элементлари ўзгартирилмайди.
Ер участкасига, бино, иншоотга эгалик қилиш ҳуққуқларининг бошқа қонуний ҳуқуқ эгасига ўтиши ва (ёки) ҳуқуқ турининг ўзгаришини давлат рўйхатидан ўтказиш вақтида мазкур ер участкаси, бино, иншоотнинг кадастр рақами ўзгартирилмайди.
Ер участкалари билан, мавжуд чегараларнинг ўзгариши ва янги участка (лар)нинг шакллантирилиши билан боғлик равишда мазкур участкани бўлиш ёки унинг бошқа (лари) си билан кўшилиб кетишини келтириб чикарувчи операцияларни амалга ошириш вақтида уларга белгиланган тартибда янги кадастр рақамлари берилади. Қуйида ер участкаси, бино ва иншоотларнинг кадастр рақамларини шакиллантириш бўйича мисоллар келтирамиз:
Do'stlaringiz bilan baham: |
