O`zbekiston Respublikasi Oliy va o’rta maxsus ta’lim vazirligi Toshkent Moliya instituti ‘‘Soliqlar va Sug`urta’’ fakulteti IV bosqich st-74 guruh talabasi Turdialixo’jayev Mahmudxo’janing

<sup>O`zbekiston</sup> Respublikasi
Oliy va o’rta maxsus ta’lim vazirligi
Toshkent Moliya instituti
‘‘Soliqlar va Sug`urta’’ fakulteti
IV bosqich ST-74 guruh talabasi
Turdialixo’jayev Mahmudxo’janing
"Soliq sohasida axborot tizimlari"
fanidan
tayyorlagan
MUSTAQIL ISHI


“Солиқ назорати” дастурий мажмуаси


Режа:


1.«Солиқ текширувлари ҳисобини юритиш» дастурий маҳсулини жорий қилиш мақсадлари. Маълумотлар базасининг шаклланиши.
2.«Маъмурий амалиётни ҳисобга олиш» дастурий маҳсулини жорий қилишнинг асосий мақсақлари. Маълумотлар базасининг шаклланиши.
3. «Текширишларни мувофиқлаштириш » дастурий маҳсули.


1. Солиқ текширувлари ҳисобини юритиш» дастурий маҳсулини жорий қилиш мақсадлари. Маълумотлар базасининг шаклланиши. Ўзбекистон Республикаси Вазирлар Маҳкамасининг 2000 йил 5 майдаги 180- қарори билан тасдиқланган «Ўзбекистон Республикаси Давлат солиқ қўмитасининг Бош назорат-тафтиш бошқармаси тўғрисида»ги Низомда назорат-тафтиш ишлари бўйича статистика маълумотларини йигиш ва мукаммаллаштиришнинг автоматлаштирилган тизимини жорий этиш белгиланган.
Давлат солиқ хизмати органлари томонидан ўтказилган ҳужжатли, қисқа муддатли, рейд ва бошқа текширишлар тўғрисида маълумотлар базасини яратиш ва мавжуд маълумотлар асосида ҳисоботларни тайёрлаб берувчи дастур давлат солиқ хизмати органлари томонидан ўтказилган барча турдаги текширишларнинг (кейинги ўринларда текшириш) ягона реестрини яратиш ҳамда текширувларни тартибга солиш ва ҳисоботларини олиб бориш мақсадида ҳамда қуйидаги мақсадларда тузилган:
- давлат солиқ хизмати, шунингдек бошқа назорат қилувчи органлар томонидан солиқ қонунчилигига риоя этилиши юзасидан ўтказилган ҳужжатли, қисқа муддатли, рейд ва бошқа турдаги текширишлар бўйича автоматлаштирилган ягона маълумотлар базасини яратиш;
-солиқ органлари ўртасида ахборот алмашинувининг тезкорлик омилини вужудга келтириш;
- ўтказилган текширув натижаларига тегишли суд органлари томонидан қабул қилинган қарорлар асосида киритилган ўзгартиришлар ва уларнинг асослилиги ҳамда бажарилиши устидан доимий таҳлил ва назорат қилиш;
- қуйи солиқ органлари томонидан ўтказилган текширув натижалари ва қўшимча ҳисобланган солиқ ҳамда мажбурий тўловларнинг бюджетга ҳамда бюджетдан ташқари мақсадли жамғармаларга ундирилишини назоратга олиш;
- вазирликлар, хўжаликнинг тармоқ турлари, ҳудудлар, шунингдек, маълум бир муддат оралиғидаги текширув натижалари кесимида таҳлил ишларини олиб бориш;
- солиқ соҳасидаги қонунбузилиш ҳолатлари динамикасини аниқлаш ва шу орқали Ўзбекистон Республикаси меъёрий ҳужжатларига ўзгартиришлар киритиш тўғрисида таклиф ва мулоҳазалар бериб бориш.
Дастур текширишлар ҳисобини юритиш ва бу билан Давлат солиқ органлари фаолиятини енгиллаштириш мақсадида тузилган бўлиб, у аввало ойлик ва чораклик ҳисоботларни тузиб чиқиш ҳамда юқори солиқ органига тақдим этиш, шунингдек, ўз вақтида зарурий маълумотлар базасига эга бўлишда фойдаланилади.
Дастурий маҳсул маълумотлар базасининг шаклланиши. Дастурий маҳсул Давлат солиқ қўмитаси, солиқ бошқармалари ва инспексияларда жорий этилиб, унинг маълумотлар базаси Давлат солиқ инспексияларида шаклланиши кўзда тутилган. Дастурий маҳсул бўйича биринчи галдаги вазифа текширувларни рўйхатга олишдан иборат бўлиб, Давлат солиқ хизмати органлари томонидан, шунингдек, бошқа органлар томонидан солиқ қонунчилигига риоя этилиши юзасидан ўтказилган барча турдаги текшириш далолатномалари Давлат солиқ инспексияларида Навбатчи қисмдан рўйхатдан ўтказилиб, унинг натижалари асосида Дастурий маҳсулнинг маълумотлар базаси шакллантирилади. Бу маълумотлар базаси юқори Давлат солиқ бошқармасига ва у орқали Давлат солиқ қўмитасига узатилади.