O„zbekiston respublikasi oliy va o„rta maxsus ta‟lim vazirligi toshkent moliya instituti k. Z. Xomitov

 
Baholovchi tashkilotlar tomonidan litsenziya talablari va 
shartlariga rioya etilishini nazorat qilish 
Baholovchi tashkilotlar tomonidan litsenziya talablari va shartlariga 
rioya etilishini tekshirish O‗zbekiston Respublikasi Prezidenti 
huzuridagi Loyiha boshqaruvi milliy agentligi tomonidan qonun 
hujjatlarida belgilangan tartibda har uch yilda ko‗pi bilan bir marta 
o‗tkaziladi. 
Baholovchi tashkilotlarni qayta tashkil etish va tugatish qonun 
hujjatlarida belgilangan tartibda amalga oshiriladi.
 
 
 
 
 

---

145 
5.2. Ko„chmas mulk qiymatini baholashga yo„naltirilgan biznes 
menejmentini tashkil etish va amalga oshirish 
 
Tadbirkorlik faoliyatining maxsus turi sifatida ko‗chmas mulkni 
boshqarish quyidagicha talqin qilinishi mumkin: 

mulk obyektlariga bo‗lgan mulkiy huquqlarga nisbatan qarorlar 
qabul qilish va hujjatlarni rasmiylashtirish; 

shaxsiy ehtiyojlarni qondirish yoki tijorat maqsadida foydalanish 
uchun aniq turdagi obyektni uning ekspluatatsiya jarayonida boshqarish; 

qo‗yilgan maqsadlarga erishish uchun ko‗chmas mulkka istalgan 
bir marotabalik maqsadli tashkiliy ta‘sir ko‗rsatish; 

ma‘lum ijtimoiy-iqtisodiy natijalarga erishish uchun boshqarish 
funksiyalarini amalga oshirish jarayoni; 

o‗zgaruvchan sharoitlarda iqtisodiyotni barqarorlashtirish va 
samarali rivojlantirish maqsadida davlatning vakolatli organlari 
tomonidan amalga oshiriladigan qonunchilik va ijro etish reglamenti 
hamda ko‗chmas mulk munosabatlarining barcha ishtirokchilarining 
xatti-harakatlarini nazorat qilish tizimi.
Boshqarish – oddiy riyeltorlik operatsiyalariga qaraganda 
ko‗chmas mulk bilan ishlashning yuqoriroq darajasi hisoblanadi. 
Ko‗chmas mulk obyektlarini boshqaruvchi fuqarolik huquqi, 
moliyaviy menejment, investitsion tahlil, investitsion loyihalarni 
boshqarishning nazariyasi va amaliyoti kabilar bo‗yicha chuqur 
bilimlarga ega bo‗lishi kerak. 
Tadbirkorlik sohasida ko‗chmas mulk obyektlarini boshqarish – bu 
tavakkalchilikka asoslangan, mulkdor topshirig‗iga binoan uning o‗z 
ko‗chmas mulkiga egalik qilish, foydalanish va tasarruf etish 
huquqlarini amalga oshirishdan daromad olish faoliyatidir.