O‘zbekiston respublikasi oliy va o‘rta maxsus ta’lim vazirligi toshkent arxitektura – qurilishinstituti «qurilishni boshqarish» fakulteti

        

Uy-joy fondini joriy ta’mirlash

. 

Joriy ta’mirlash ishlari - bino va inshootlar 

hamda  ularning  konstruktiv  elementlari  va  muhandislik  tizimlaridan  samarali 

foydalanishni ta’minlash bilan bog‘liq ishlardan tashkil topadi.  

Uy-joy  fondini  joriy  ta’mirlash  ishlari  binoning  qismlari,  konstruktiv 

elementlari,  jihozlari  va  muhandislik  tizimlari  faoliyatini  ta’minlash  va  ularni 

ekspluatatsiya  qilish  ko‘rsatkichlarini  qoniqarli  darajada  saqlab  qolish  maqsadida 

amalga oshiriladigan qurilish va tashkiliy texnik tadbirlardan iborat.  

Binoning  joriy  ta’mirlash  ishlarini  bajarishni  binoning  holati,  jismoniy 

eskirish  darajasi  va  mahalliy  shart-sharoitlardan  kelib  chiqib  uch  yildan  besh 

yilgacha  rejalashtirish  mumkin.  Ayrim  hollarda,  binoning  texnik  holatidan  kelib 

chiqib, rejadan tashqari joriy ta’mirlash ishlari bajariladi.  

---

 

25 

Odatda  binolarda  joriy  ta’mirlash  ishlari  bajarilganda  tom  yopqich 

materiallari  50%gacha,  pol  va  pol  qoplamalari  20%  gacha,  binoning  qolgan 

konstruktsiya va muhandislik jihozlari 15%ga qadar almashtirilishi mumkin.   

Foydalanishga  yaroqlilik  muddati  joriy  ta’mirlash  muddatidan  ortiq 

bo‘lmagan  bino  elementlari  va  tashqi  obodonlashtirish  jihozlari  joriy  ta’mirlash 

jarayonida to‘liq almashtiriladi. 

Joriy  ta’mirlash  ishlari  bino  va  inshootlarni  ishga  tushurilganidan  yoki 

to‘liq kapital ta’mirlanganidan kamida uch yildan keyin amalga oshiriladi. Bunga 

sabab, SHNK 3.01.04-04 – “Qurilishi tugullangan ob’ektlarni foydalanishga qabul 

qilib  olish.  Asosiy  tushunchalar”ga  muvofiq  foydalanishga  qabul  qilib  olingan 

binoda kafolat muddatida yuzaga keluvchi nosozlik va topilgan kamchiliklar bosh 

pudratchi tomonidan tuzatilishi ko‘rsatilgan. Kafolatni ta’minlash maqsadida qurib 

ishga  tushurilgan  binoning  umumiy  qiymatidan  5  foiziga  teng  mablag‘  binoning 

sinov muddati tugagunga qadar qurilish tashkilotiga to‘lab berilmaydi. 

Favqulotda holat  ro‘y  berishi,  yoki binodan  foydalanish texnologiyasining 

buzilishi  natijasida  binodan  foydalanish  imkoniyatini  cheklovchi  holat  yuzaga 

kelganda rejalashtirilmagan joriy ta’mirlash ishlari amalga oshirilishi mumkin. 

Joriy  ta’mirlash  va  kapital  ta’mirlash  ishlariga  binoda  bajariladigan  ishlar 

hajmini  o‘lchovdan  o‘tkazish  yo‘li  bilan  tuzilgan  nosozlik  dalolatnomalariga 

asosan,  loyihalarsiz  smeta  hujjatlari  tuzish  mumkin.  Kapital  va  joriy  ta’mirlash 

ishlari  nosozlik  dalolatnomalariga  asosan  tuzilgan  smeta  asosida  bajarilsa 

ta’mirlash  jarayonida  binoga  rekonstruktsion  o‘zgartirish  kiritilishiga  yo‘l 

qo‘yilmaydi. 

XUJMSHlari tomonidan ekspluatatsiya qilinayotgan bino va inshootlar har 

yili ikki marta (bahorda va kuzda) maxsus komissiya tomonidan texnik nazoratdan 

o‘tkaziladi.  Joriy  ta’mirlash  ishlari  hajmi  binolarning  texnik  holatini  nazoratdan 

o‘tkazish  jarayonida  aniqlanib  “Nosozlik  dalolatnomasi”  tuziladi.  Odatda  binoni 

mavsumiy  foydalanishga  tayyorlash  maqsadida  bajariladigan  ta’mirlash  ishlari 

ham joriy ta’mirlash hisoblanadi.