Oʻzbekiston respublikasi oliy va oʻrta maxsus ta’lim vazirligi toshkent moliya instituti

 0-54 ball«qoniqarsiz» 

Fan  mashg’ulotlari  mavzulari  bo’yicha  koniqarsiz  bilimga  ega. 

Amaliy  mashg’ulotda  fan  mavzulariga    bog’liq  masalalar  yuzasidan 

aniq tasavvurga ega emas, bilmaydi. 



 

o’tilgan fanning nazariy va uslubiy asoslarini bilmaslik; 



  iqtisodiy hodisa va jarayonlarni tahlil etish bo’yicha tasavvurga ega 

emaslik; 



 

o’rganilayotgan jarayonlarga iqtisodiy usullarni qo’llay olmaslik. 

 

Reyting baholash turlari 

Maks.ball 

O’tkazish vaqti 

Joriy nazorat: 

36 

 

ma’ruza 

mashg’ulotlarda 

faolligi, 

muntazam 

ravishda 

konspekt yuritishi uchun 

6 

Semestr 

davomida 

Mustaqil 

ta’lim 

topshiriq-

larining  o’z  vaqtida  va  sifatli 

bajarilishi 

10 

Amaliy  mashg’ulotlarda  faolligi, 

savollarga 

to’g’ri 

javob 

berganligi,  amaliy  topshiriqlarni 

bajargan-ligi uchun 

20 

 

Oraliq nazorat 

34 

 

 

Birinchi  oraliq  nazorat  yozma 

ish 

(amaliy 

mashg’ulot 

o’qituvchisi  tomonidan  qabul 

qilinadi).  

14 

10 hafta 

Ikkinchi 

oraliq 

nazorat 

(ma’ruzachi 

o’qituvchisi 

tomonidan qabul qilinadi). 

Ikkinchi 

oraliq 

nazorat 

2 

bosqichda 

amalga 

oshiriladi. 

Birinchi  bosqich,  10  ball-talaba 

yakka  tartibda  topshiriqlar  oladi 

va 

himoya 

qiladi. 

Ikkinchi 

bosqich,  10  ball-talabalar  kichik 

guruhlarga  bo’linadi  (har  bir 

guruhda 

talabalar 

soni 

5-7 

tagacha  bo’lishi  mumkin),  har 

bir  guruhga  alohida  topshiriqlar 

beriladi 

va 

himoya 

qabul 

qilinadi. 

Topshiriqlar 

2-3-

haftalar  oralig’ida  talabalarga 

biriktiriladi.  Guruhning  faolligi, 

berilgan  topshiriqni  nazariy  va 

amaliy 

jihatdan 

yoritilishi, 

xulosalarning 

mantiqiy 

bog’liqligi, 

kreativ 

mulohazalarning 

mavjudligi, 

huquqiy-normativ 

hujjatlarni 

20 

17-hafta 

---

359 

 

bilishi  va  boshqa  talablarga 

mosligi 

hisobga 

olinadi. 

Guruhdagi  har  bir  talabaga  0-10 

oralig’ida  bir  xil  ball  qo’yiladi. 

Himoya 

kafedra 

mudiri 

tomonidan  tasdiqlangan  grafik 

asosida  dars  mashg’ulotlaridan 

so’ng tashkil etiladi 

 

Yakuniy nazorat 

30 

20 hafta 

 

Yozma ish 

30 

 

JAMI 

100 

 

 

 

4.KEYSLAR BANKI 

 

KEYSLAR 

 

KEYS-1.KENNI ROJERS ROSTERS XITOY BOZORIDA 

1995  yilning  boshida  Franshiz  Investment  Korporeyshn  of  Azia  (FIKA) 

tashkiloti  Kenni  Rojers  Rosters  (KRR)  kompaniyasi  bilan  franchayzing 

shartnomasini imzoladi va uning  konsepsepsiyasini Xitoyning ikki yirik shaharlari  – 

Pekin  va  Shanxayda  yoyish  huquqiga  ega  bo’ldi.  Ushbu  loyihani  amalga  oshirish 

maqsadida  FIKA  tashkiloti  prezidenti  Toni  Vang  qiziqish  bildirgan  mahalliy 

kompaniyalardan uchtasi bilan muzakaralar olib borishni boshladi. 

Kelishuvning  tarixi  quyidagicha.  1964  yilda  Kentukki  Fraed  Chiken  (KFCh) 

firmasining  advokati  bo’lmish  29  yoshli  Djon  Broun  60  yoshli  Dek  Massey  bilan 

birgalikda KFCh firmasini 74 yoshli Garland Sandersdan 2 mln. Dollar evaziga sotib 

olishadi.  Keyingi  besh  yil  mobaynida  sheriklar  kompaniyaning  mavjud  restoranlari 

qatoriga yana minglab yangilarini qo’shishdi va o’rtacha sotuv hajmini yiliga 96%ga 

ko’tarishga erishdilar. 

Kompaniya bu o’sishga quyidagilar evaziga erishdi: 

1.  Bozorga  kirishning  nisbatan  kamxarajat  yo’li  bo’lgan  franchayzing 

shartnomalarini mahalliy restoranlar bilan imzolashni yo’lga qo’ydi. 

2.  Kompaniya  rahbari  Broun  eng  perspektiv  loyihalarni  tanlash  qobiliyatiga 

ega edi. 

1971  yilda  KFCh  Geblen  Ink.  kompaniyasiga  275  mln.  dollar  evaziga  sotildi. 

Natijada ikkala sherik juda boyib ketishdi. 

70-yillarda  Broun  Kentukki  shtatining  gubernatori  etib  saylandi  va  birdaniga 

uchta  basketbol  klubiga  (shular  qatorida  Boston  Seltiks)  ega  bo’ldi.  80-yillarning 

oxirlarida  AQShda  ekologik  toza  va  sog’lom  taomlarga  talabning  keskin  oshishi 

natijasida ko’pgina restoran egalari sohlom taom  menyularini taklif qiladigan yangi 

tipdagi  restoranlarga  pullarini  tika  boshladilar.  Ushbu  yangi  talabni  hisobga  olgan 

holda,  Broun  asosiy  taomi  olovda  tayyorlangan  tovuq  bo’lgan  yangi 

konsepsepsiyadagi  restoranlar  zanjirini  ochishni  rejalashtirdi.  Maqsadini  amalga 

oshirish uchun u o’zining eski qadrdoni, o’sha paytlarda Amerikada mashhur bo’lgan 

---

360 

 

hofiz,  3  ta  Gremmi,  4  ta  platina  albom,  5  ta  multiplatina  albom  va  bir  qator  oltin 

albomlar sohibi Kenni Rodjersni taklif etadi. 

Shunday qilib, Kenni Rojers Rosters (KRR) kompaniyasi 1991 yil 17 yanvarda 

Kentukki shtatining Luisvill shahrida birinchi restoranini, avgustda esa Florida shtati 

Koral  Geybls  shahrida  ikkinchi  restoranini  ochdi.  Restoranning  asosiy  menyusi 

ziravorlar  va  tsitrusda  marinadlanib,  kuchli  olovda  qovurilgan  tovuq  go’shti  hamda 

bir necha xil garnirlardan (masalan, qaylali kartofel pyuresi, pishirilgan loviya, pasta-

salat)  tashkil  topdi.  Kompaniya  juda  tez  suratlarda  o’sa  boshladi,  xodimlar  soni  5 

kishidan  100  kishiga  etdi.  1995  yilning  oxiriga  kelib  u  o’z  qarorgohini  Florida 

shtatining Fort-Lauderdeyl shahriga ko’chirib, 310 ta restoranga egalik qila boshladi. 

KRRning  AQShning  35  ta  shtatida,  Kanadada  o’ndan  ortiq,  Gretsiya,  Kipr,  Isroil, 

Malayziya, Koreya, Filippin, Yaponiya, Singapur va Iordaniyada bittadan restoranlari 

faoliyat olib borardi. 2002 yilgacha kompaniya o’z restoranlari sonini AQShda 1200 

tagacha, boshqa davlatlarda 240 tagacha etkazishni rejalashtirdi. 

1995  yil  holatiga  kompaniya  hali  o’z  aktsiyalarini  investorlar  orasida  uncha 

keng  taqsimlamagan  edi.  Firma  mulki  uning  egalari  tomonidan  quyidagicha 

taqsimlangan  edi:  28%  Brounga,  14,5%  Kenni  Rojersga,  35%  malayziyalik 

investorlar  guruhiga  va  qolgan  22,5%  Broun  va  Rojersning  bir  qator  tanishlariga 

tegishli edi. Brounnnig o’zi kompaniyaning direktorlar kengashi raisi etib saylangan 

edi.  Rojers  direktorlar  kengashi  a’zosi  bo’lib,  bevosita  firma  faoliyatida  ishtirok 

etmasdi,  lekin  kompaniya  imijini  ommalashtirishda  faol  ishtirok  etardi. 

Kompaniyaning  boshqaruvchilar  tarkibini  shakllantirishda  Broun  ilgari  o’zi  bilan 

KFChda  ishlagan  odamlarni  va  Vendays,  Burger  King,  Pitstsa  Xat,  Arbayz, 

Makdonalds  kabi  tezkor  xizmat  ko’rsatish  restoranlari  zanjirlarida  ishlaydigan 

tajribali mutaxassilarni taklif qildi. 

AQShda  KRR  restoranlari  bir  vaqtning  o’zida  180  tagacha  mijozga  xizmat 

ko’rsatish  imkoniyatiga  ega  edi.  Restoranlar  asosan  kantri-vestern  uslubida, 

Rojersning  ijodiga  mos  holda  bezalardi.  Ularda  Rojers  videolarini  va  reklama 

roliklarini namoyish etadigan monitorla o’rnatilgan edi. 

O’tin  yoqiladigan  mangallar  restooranning  ko’zga  tashlanadigan  sohalariga 

joylashtirilardi.  Garnirlarning  xilma-xil  turini  taklif  etadigan  bufet-ustun  ham 

o’rnatilardi. KRR restoranlarida hamma taomlar joyida tayyorlanardi. Tovuq go’shti 

tuni bilan marinadlanardi va kuchli olovda tayyorlanardi. Ba’zi garnirlar kompaniya 

qarorgohi yaqinidagi o’quv markazida tayyorlanadigan yarimfabrikatlardan qilinardi. 

Mehnat xarajatlari sotuvlarning 26-27% ini, xom-ashyo xarajatlari esa 30% ni tashkil 

etardi. 

Kompaniyaning  umumiy  daromadi  1993  yilda  68,7  mln.,  1994  yilda  150  mln., 

1995  yilda  321  mln.  dollarni  tashkil  etdi.  1995  yilda  oldinda  buyurtma  bo’yicha 

sotuvlar  umumiy  sotuvlar  hajmining  45-50%  tashkil  etdi  va  kompaniya  bu 

ko’rsatichni 60% ga etkazishni o’z oldiga maqsad qilib qo’ydi. Restoranning maxsus 

darchasi  orqali  yo’llarda  sotuvlar  hajmi  haftasiga  1800  ta  tovuqni,  tushumlar  esa 

yiliga 1 mln. dollarni tashkil etdi. 

1995  yiildan  e’tiboran  KRR  kompaniyasining  rivojlanishiga  franchayzing 

shartnomalarining  imzolanishi  katta  turtki  bo’ldi.  310  restorandan  85%  i  bilan 

---

361 

 

franchayzing shartnomalari tuzildi. Kompaniyaning barcha xorijiy restoranlari aynan 

shu sxema  asosida  ishlardi. Shartnomalarni imzolashda  restoran  biznesini  sevadigan 

va  biladigan  restoranlarga  imtiyoz  berilardi.  Kompaniya  franchayzing  shartnomalari 

va  kontraktlarni  o’rtacha  20  yil  muddatga  imzolardi.  Franchayzing  shartnomalari 

alohida  restoranlar  bilan  imzolansa,  kontrakt  shartnomalari  5-10  talik  restoranlar 

guruhlari bilan tuzilardi. 

KRR bilan franchayzing shartnomasini imzolashdagi birlamchi to’lov 29,5 ming 

dollarni,  joriy  to’lovlar  esa  yiliga  sotuv  hajmidan  4,5%  ni  tashkil  etardi.  Bundan 

tashqari,  Kompaniyalar  uchun  reklama  materiallarini  ishlab  chiqish  fondiga  0,75%, 

Milliy reklama fondiga 2% va Mahalliy reklama fondlariga kamida 3% dan to’lovlar 

amalga  oshirilardi.  Boshlang’ich  to’lov  shartnoma  imzolangunga  qadar,  qolganlari 

esa  oy  sayin  to’lab  borilardi.  Rivojlanish  kontraktlari  bo’yicha  to’lovlar  ham 

yuqoridagilar  kabi  amalga  oshirilardi.  Boshlang’ich  to’lovdan  tashqari,  mijoz 

guruhga  qabul  qilinadigan  har  bir  qo’shimcha  restoran  uchun  10  ming  dollar 

miqdorida  to’lovni  amalga  oshirardi.  Bu  to’lov  restoran  qurilishi  boshlanishi  bilan 

to’lanardi. 

Kompaniya tomonidan o’tkazilgan tadqiqotlar shuni ko’rsatdiki, AQShdagi har 

bir  yangi  restoran  qurilishi  650  dan  672  ming  dollargacha,  mavjud  restoranni 

rekonstruktsiya  qilish  esa  405  dan  545  dollargacha  bo’lgan  mablag’ni  talab  qilar 

ekan.  Bu  xarajatlarning  tarkibiga  ijara  haqi,  me’moriy  va  muhandislik  ta’minoti 

xarajatlari,  sug’urta,  litsenziyalash,  asbob-uskunalar,  jihozlar,  ma’muriy  xarajatlar, 

birlamchi xom-ashyolarga xarajatlar va boshqalar kiradi.  

KRR  kompaniyasi  franchayzilar  va  restoranlar  uchun  xodimlarni  tayyorlashga 

muhim  ahamiyat  qaratdi.  Uchta  tayyorlov  kurslaridan  iborat  tsikl  KRR  qarorgohi 

qoshidagi  tayyorlov  va  rivojlantirish  markazida  amalga  oshirilardi.  Hamma 

xarajatlar,  jumladan  transport,  istiqomat  qilish  bilan  va  hokazolar  franchayzi 

zimmasiga yuklatilardi. Birinchi kurs uch kun davom etadi va yangi franchayzilar va 

sheriklar uchun mo’ljallangan. Qolgan ikki kurs birinchisidan farqli o’laroq majburiy 

hisoblanmaydi.  Har  bir  franchayzi  sertifikatsiyadan  o’tishi  shart  va  kamida  2  ta 

menejeri bo’lishi kerak. Barcha menejerlar uchun bitta kurs 4 haftalie intensiv dastur 

asosida tashkil etiladi va restoran ochilishigacha 4-6 hafta oldin o’tkaziladi (birinchi 

daraja).  KRR  kompaniyasi  mutaxassislar  tayyorlashning  o’ziga  xos  uslubidan 

foydalanar,  unga  ko’ra  har  bir  menejer  o’zining  ustozi  bilan  birga  yashab,  ulardan 

kunlik operatsiyalarning barcha aspektlarini o’rganishardi. 

Ikkinchi daraja  menejerlarni bosh  direktor  lavozimiga  tavsiya  etishganida talab 

etiladi.  Bu  6-kunlik  dastur  faqatgina  operatsion  amallarni  o’rganish  bilan 

chegaralanibgina  qolmay,  menejmentning  nozik  qirralariga,  masalan  personal  va 

mijozlar  bilan  munosabatlar,  ayniqsa  muammoli  vaziyatlardagi  holatlarga  e’tiborni 

qaratadi. 

AQShda  yangi  restoranning  ochilishi  bilan  60-65  ish  o’rni  yaratiladi  va  bu  ish 

o’rinlarining  taxminan  60%  i  faoliyatning  ilk  oylarida  band  etiladi.  KRRning 

tayyorlov  va  rivojlantirish  markazi  uskunalarni  ishlatish  va  taom  tayyorlash  bilan 

bog’liq  operatsiyalarni  namoyish  etadigan  12  qismdan  iborat  videodasturni  ishlab 

chiqdi.  Bu  videomaterial  mahalliy  xodimlar  bilan  bir  qatorda  xorijdagi  xodimlarni 

---

362 

 

ham  tayyorlashda  ishlatiladi.  Har  bir  mamlakat  uchun  alohida  menyularni  tuzish 

jarayoni  restoranlar  faoliyatining  muhim  qismi  hisoblanadi.  Masalan,  pishirilgan 

loviya  bilan  bekonga  bo’lgan  talab  musulmon  mamlakatlarida  juda  past.  Bunday 

holatlarda  franchayzilar  mamlakatda  sertalab  va  shu  bilan  birga  kompaniya 

standartlariga  javob  beradigan  taomlarni  taklif  qilishlari  zarur.  Bir  xil  taomni 

tayyorlashda har bir mintaqaning mijozlarining didi va talablarini e’tiborga olish juda 

zarur.  Masalan,  Tinch  okeani  mintaqasida  taom  tayyorlashda  iloji  boricha  kamroq 

shakar  mahsulotlarini  ishlatish  tavsiya  etiladi.  Biroq,  har  bir  menyu  kompaniya 

qarorgohi bilan kelishilgan holda tuzilishi lozim. 

Menyuni  ishlab  chiqishda  KRR  o’zining  aksar  mahsulotlari  va  uskunalariga 

umumiy  standartlarni  joriy  qildi.  O’z-o’zidan  ma’lumki,  kompaniya  dunyoning  har 

bir  mamlakatida  tovuq  go’shti,  non  mahsulotlari,  ziravorlar,  marinadlar,  qadoqlarni 

etkazib  beruvchilarni  belgilab  oladi.  Aksariyat  hollarda  mahalliy  tovuq  go’shti 

etkazib beruvchilarni topish qiyin emas. Ammo ba’zi maxsus mahsulotlar, marinadlar 

va qadoqlar kompaniyaning amerikadagi etkazib beruvchisidan sotib olinadi. 

KRR qarorgohi va franchayzilar o’rtasidagi aloqaning uzluksizligini ta’minlash 

uchun  har  bir  franchayzi  o’z  restoranlarida  kompyuter  tizimini  o’rnatishi  alab 

qilinadi.  Bunday  tizim  KRRga  har  bir  restorandan  sotuvlar  to’g’risidagi 

ma’lumotlarni  o’z  vaqtida  olishga  va  franchayzini  moliyaviy  hisobot  tayyorlash  va 

restoranni  muvaffaqiyatli  boshqarish  uchun  zarur  bo’lgan  axborot  bilan  ta’minlash 

imkonini  yaratadi.  Shu  bilan  birga,  kompaniya  dunyoning  har  bir  mamlakatida 

zahiralarni  boshqarish,  daromad-yo’qotishlar  ko’rsatkichi  nazoratining  standart 

shakllariga ega. 

Keysning  boshida  aytilganidek,  KRRning  Xitoy  bozoriga  kirishida  KFChning 

sobiq xodimi,  Uzoq  Sharq  mintaqasida  katta  ish tajribasiga  ega  bo’lgan  Toni  Vang 

bosh figuraga aylangan edi. Toni Vang 1944 yilda Xitoyning Sichuan provintsiyasida 

tug’ilib,  Tayvanda  ulg’aydi  va  60-yillarning  oxirlarida  AQShga  ko’chib  o’tdi. 

AQShda u avvaliga Kentukki shtati Luisvil shahridagi KFCh kompaniyasida menejer 

bo’lib  ishladi.  Bir  qator  lavozimda  ko’tarilishlardan  so’ng  u  1986  yilda 

kompaniyaning Janubiy-Sharqiy Osiyo mintaqasi bo’yicha vitse-prezidentiga aylandi. 

Uning  ofisi  Singapurda  joylashgan  bo’lishiga  qaramasdan,  Vang  asosiy  e’tiborini 

Xitoyga  qaratdi  (1,2  mlrd.  aholi  va  ovqatlanish  industriyasining  sust  rivojlanganligi 

tufayli).  1987  yilda  u  Pekin  shahrida  birinchi  g’arb  andozasidagi  tez  ovqatlanish 

restoranini  ochishda  bevosita  ishtirok  etdi.  Bu  restoran  KFChning  dunyodagi  eng 

yirik restoraniga aylandi va Tyananmqn maydonida Mao maqbarasining ro’parasida 

joylashdi. 

Qushma  korxona  tuzishda  sheriklarni  tanlashda  Vang  restoran  rivoji  uchun 

joylashish joyi maqbul bo’lganlariga xayrixohlik bildirardi. U restoranni ochishda va 

uning keyingi faoliyati rivojida o’ziga tegishli rol o’ynaydigan uchta xitoylik sherikni 

tanladi: Pekindagi hayvonlarni urchitish byurosi (qo’shma korxonaning 10% ulushiga 

ega)  restoranni  mahalliy  tovuqlar  bilan  ta’minlashni  o’z  bo’yniga  oldi;  Pekin  turist 

byurosi  (ulushi  14%)  joyni  tanlashda,  hukumatdan  turli  ruxsatlarni  olishda,  ijara  va 

personalni  tanlashda  yordam  berardi;  Xitoy  banki  (ulushi  25%)  daromadni 

konvertatsiyalashda  yordam  berardi.  Tovuq  narxining  yuqori  bo’lishiga  qaramasdan 

---

363 

 

(AQShga nisbatan ikki barobar qimmat), loyiha o’zini oqladi. Vang Xitoyda restoran 

ochilishini  quyidagicha  baholadi:  “Biz  kommunistik  davlatlardagi  ilk  g’arbiy  tez 

xizmat  ko’rsatuvchi  restoran  edik.  Bu  judayam  hayajonli  g’oya  edi.  Ertalablari 

restoran  ochilishi  oldidan  uning  eshiklari  tagida  katta  navbat  to’planardi  va  biz  bu 

navbatni tartibga solish uchun politsiyani chaqirishimiz odatiy holga aylangandi”. 

1989 yilning sentyabr oyida Toni Vang KFCh kompaniyasidan SP Fuds Servises 

Ko  (bu  firma  Osiyoning  eng  yirik  qishloq  xo’jalik  kompaniyasi  hisoblanmish 

Charoen  Pokfand  Grupp  tarkibiga  kirardi)  kompaniyasiga  prezident  bo’lib  o’tdi. 

Yana ikki yildan so’ng Vang AQShga qaytdi va V.R.Greys end Ko ga tegishli Greys 

Fud Servises kompaniyasiga prezident bo’ldi. Bir yil o’tib Vang aylanmasi 1,2 mlrd. 

dollar  bo’lgan  Fudmeyker  Interneshnl  kompaniyasiga  prezident  etib  tayinlandi. 

O’zining  8  yillik  faoliyati  davomida  Vang  800  ta  yangi  restoran  ochdi,  ularning 

aksariyati Tinch Okeani mintaqasida edi. 

1993 yilning yanvarida Sietl shahrida joylashgan Vang boshqaruvidagi Djak in 

de Boks zanjiriga tegishli restoranlardan birida ifloslangan gamburgerlarning topilishi 

ortidan  kompaniya  katta  qiyinchiliklarga  duch  keldi.  Bosh  aybdor  kaliforniyalik 

etkazib beruvchi bo’lishiga qaramasdan, Fudmeyker serxarajat sudlashish jarayonini 

boshlashga  majbur  bo’ldi.  Yuzaga  kelgan  g’ala-g’ovur  sotuvlar  hajmi  va  moliyaviy 

tushumlarning  keskin  kamayishiga  olib  keldi.  Shu  tufayli  kompaniya  xalqaro 

bozordagi kengayishni orqaga surib turishga qaror qildi. 

Toni  Vang  xalqaro  miqyosda  kengayishinig  katta  imkoniyatlarini  sezgan  holda 

o’zining shaxsiy mablag’larini jalb qila boshlaydi. Unin shaxsiy Kuik Servis Restoran 

(KSR)  kompaniyasi  Fudmeyker  bilan  shartnoma  tuzadi  va  Yaqin  Sharq,  Osiyo, 

jumladan  Xitoy  va  Yaponiyada  Djak  in  de  Boks  konsepsepsiyasini  rivojlantirish  va 

franchayzing  shartnomalarini  tuzish  huquqini  oladi.  Bu  kelishuv  1994  yilning  1 

yanvaridan  e’tiboran  keyingi  10  yil  davomida  KSR  kompaniyasiga  yuqorida 

keltirilgan mintaqalarda biznesni rivojlantirish uchun mustaqil tarzda franchayzilarni 

tanlash, ular bilan qo’shma korxonalar tuzish, franchayzilardan olingan tushumlarni 

Fudmeyker  kompaniyasi  bilan  bo’lib  olish  imkoniyatiga  ega  bo’ldi.  Bu  vaziyatni 

Vang  qo’yidagicha  sharhladi:  “Bu  o’zaro  foydali  kelishuv.  Ular  nou-xauga  ega 

bo’lgani  bilan,  pullari  bo’lmasa,  nima  ham  qila  oladilar?  Ularning  yirik 

konsepsepsiyasi bor, lekin uni xalqaro miqyosda qo’llay olishmaydi”. 

Ovqatlanish  industriyasiga  qaytganidan  so’ng  Vang  boshqa  investitsion 

loyihalarda ham ishtirok etadi. Masalan, 80-yillarning oxirlaridan boshlab u eng yirik 

amerika  sug’urta  kompaniyalaridan  biri  Ameriken  Interneshnl  Grup  Ink.  (AIG) 

rahbariyati bilan aktiv muzokaralar olib bordi. 1990 yilda AIG franchayzing bozorida 

faoliyat yuritishi ko’zda tutilgan FIKA kompaniyasini ta’sis etadi va unga prezident 

sifatida Vangni taklif etadi. Biroq Vang bu g’oyani hali erta deb hisoblaydi. 

Vang bu taklifni 4 yil o’tganidan keyingina qabul qildi va 1991 yil yanvaridan 

e’tiboran FIKA prezidenti va mulkdoriga aylanib, qarorgohni Gonkongga ko’chirdi. 

Kompaniya aktsiyalari qo’yidagicha taqsimlandi: 60% - AIG, 40% - KSR. 

FIKA kompaniyasi quyidagi vakolatlarga ega bo’ldi: 

1. Osiyoda  franchayzing  kelishuvlarini  imzolash  va  konsepsepsiyalarni 

rivojlantirish; 

---

364 

 

2. Mintaqada franchayzilar uchun konsultatsiyalar berish; 

3. Franchayzilarni xom-ashyo bilan ta’milab berish. 

FIKA  kompaniyasi  o’sha  paytning  o’zida  Filippin  va  Tayland  bozorlarini 

egallash uchun Tsirkl-K kompaniyasi bilan, Xitoy bozorini egallash uchun esa Karvel 

Ays  Krim  kompaniyasi  bilan  franchayzing  shartnomasini  imzoladi.  Keyinchalik 

ularning  hamkorligi  Tinch  Okeani  mintaqasining  boshqa  bozorlariga  ham  tarqaldi. 

1994  yilda  FIKA  KRRning  Xitoy  bozoridagi  faoliyatini  ushbu  bozordagi  o’z 

ekspansiyasini  kengaytirish  maqsadida  o’rganishni  boshladi.  1995  yilda  FIKA 

KRRdan  Pekin  va  Shanxay  shaharlarida  tez  xizmat  ko’rsatish  restoranlarini  ochish 

huquqini oladi. 

Franshiza  huquqi  uchun  to’lovlardan  tashqari  Vang  birinchi  restoranni  qurish 

uchun  mablag’  topishi  lozim  edi.  Restoran  joyi  tasdiqlanganidan  so’ng  (kerakli 

xodimlar va menejerlarni topish osonligi tufayli bu shahar Pekin bo’lib chiqdi) Vang 

mahalliy sherikni izlay boshladi. Xitoy uzoq vaqt mobaynida ochiq eshiklar siyosatini 

olib borayotganligiga qaramasdan, investitsiyalar sohasiga bu narsa tegishli emas edi: 

ovqatlantirish kompaniyasi 100% xorijiy egalik huquqiga ega bo’lishi mumkin emas 

edi.  Shu  bilan  bir  qatorda,  egalik  huquqiga  oid  bir  qator  echilmagan  muammolar 

mavjud edi. Shundan kelib chiqib, Vang sherik tanlashda “tashkiliy kuch” taklif qila 

oladigan va ko’nikmalarga ega bo’lgan kompaniyaga e’tiborini qaratdi. 

Avvaliga Vang o’zining KFChdagi eski tanishlari bilan aloqa o’rnatdi. Keyin u 

o’z  vaqtida  hamkorlik  qilgan  Ist  Siti  Fud  Servises  end  Distribyushn  Ko 

kompaniyasiga  chiqdi.  Bu  kompaniya  shahar  hukumatiga  tegishli  bo’lib,  Pekin  va 

uning  atroflarida  har  xil  tipdagi  30  ta  xitoy  restoranlariga  va  100  dan  ortiq  sotuv 

nuqtalariga  egalik  qilardi.  Muzokaralar  natijasi  o’laroq,  Vang  kompaniya 

rahbariyatidan  kadrlar  siyosati,  marketing  va  ta’minot  sohasida  qo’llab-quvvatlash 

imkoniyatini oldi. 

Vang  muzokaralar  olib  borishni  boshlagan  ikkinchi  kompaniya  yirik  xalqaro 

savdo  kompaniyasi  bo’lmish  Greyt  Uoll  Treyding  Ko  ning  Pekindagi  filiali  edi.  U 

g’arb ishbilarmon doiralarida keng aloqalarga ega bo’lib, boshqa xorijiy transmilliy 

kompaniyalar kabi Pekinda investitsiyalarni amalga oshirishga qiziqish bildirardi. 

Vangning uchinchi sherik kompaniyasi – ko’chmas mulk bilan shug’ullanuvchi 

D  end  D  Realti  Ko  bo’lib,  yillik  aylanmasi  1,8  mlrd.  dollarni  tashkil  etardi  va 

qarorgohi Gonkongda joylashgan edi. 1993 yilda u Xitoy bozoriga kirishni boshladi 

va 1994 yilda Pekinda o’z ofisini ochadi. 1995 yilda u Pekin markazida joylashagan 

va  Gonkong  investorlari  puliga  qurilgan  yangi  14-qavatli  biznes  markaz  ijarasi 

bo’yicha  agentga  aylandi.  Kompaniya  ushbu  binoning  birinchi  qavatida  tegishli 

restoran  ochilishidan  manfaatdor  edi  va  shu  tufayli  FIKA  bilan  kelishuv  imzoladi. 

Keyinchalik  u  Vangga  KRR  restoranlari  uchun  butun  Pekin  bo’ylab  binolarni  izlab 

topishni va’da berdi. 

1995  yilda  Toni  Vang  FIKA  prezidenti  sifatida  boshqa  majburiyatlarga  ega 

bo’lishiga qaramasdan, KRR restoranlarining Pekinda tarqalishiga katta kuch sarflay 

boshladi.  Ammo  KRR  konsepsepsiyasi  bilan  bog’liq  holat  FIKAning  boshqa  savdo 

konsepsepsiyalarini  Xitoy  bozoriga  yoyishga  xalaqit  bera  boshladi.  KRR 

konsepsepsiyasidagi  restoranlarining  intensiv  rivojlanishiga  Xitoy  bozorining 

---

365 

 

to’yinmaganligi  ijobiy  ta’sirini  ko’rsatdi.  1995  yilning  oxirida  Pekinda  17  ta 

MakDonalds,  10  ta  KFCh,  Xard  Rok  Kafe,  Pitstsa  Xat  va  TDjAy  Fraydis  kabi 

zanjirlarning restoranlari ham faoliyat yuritayotgan edi.  

G’arb  tez  ovqatlanish  restoranlarinnig  va  taomlarining  mashhurligiga  hamda 

Xitoy  bozorining  ulkan  potentsialiga  qaramasdan,  Xitoy  ommaviy  ovqatlanish 

industriyasi  juda  sekin  templarda  rivojlanayotgandi  va  juda  katta  tavakkalchilikni 

taqozo  etardi.  MakDonalds  va  KFCh  kompaniyalari  lizing  bo’yicha  faoliyat 

yuritishardi. 1995 yilning fevralida MakDonaldsning rahbariyati ularning dunyodagi 

eng  yirik  va  ilg’or  restorani  ijara  binosini  tark  etishi  lozimligi  to’g’risida 

ogohlantirildi.  Gonkonglik  milliarder  Li  Ka-Shing  bu  joyda  yangi  savdo  va  biznes 

markazini  qurishni  rejalashtiradi.  MakDonalds  rahbariyati  uzoq  muddatli  ijara 

shartiga asoslanib, bu ogohlantirishlarni e’tiborga olmadi. Restoran o’sha yilning kuz 

mavsumigacha  ishlagan  bo’lsada,  atrofda  olib  borilayotgan  qurilish  ishlari  uning 

faoliyatiga ta’sir ko’rsata boshladi. Pekinda ishlayotgan ishbilarmon doiralarda atayin 

ijara shartnomasining mavjud emasligi to’g’risida mish-mishlar tarqala boshladi. Boz 

ustiga  KFCh  Tyananmin  maydonidagi  restoranning  ijara  shartnomasini  ijara  to’lovi 

oshirilganligi  tufayli  uzaytirish  imkoniyatidan  voz  kyechishi  to’g’risidagi  mish-

mishlar  ham  tarqala  boshladi.  Ammo  Xitoyda  biznes  yuritish  muammolari  nafaqat 

ijara muammoalari bilan, balki materiallar va uskunalar importiga yuqori bojlar (50-

100%  atrofida)  bilan  ham  bog’liq  edi.  KRR  mutaxassislari  hisob-kitoblariga  ko’ra, 

bitta restoran uchun uskunalarni import qilish kamida 150 ming dollarga tushar ekan. 

Boshqa muammo personalni tanlash va tayyorlash bilan bog’liq bo’lib, sababi, 15 ta 

yangi restoran uchun yaqin bir necha yil ichida minglab xodim zarur edi. Personalni 

tayyorlash gurug’larida hech kim xitoy tilini bilmasdi, xitoy tilida uslubiy materiallar 

ham mavjud emasdi. 

Vang oxirgi paytda ish haqi tez suratlarda o’sa boshlaganligini aniqladi. Xorijiy 

transmilliy  kompaniyalar  ingliz  tilini  birmuncha  biladigan  xodimlariga  oyiga  1500 

yuan, inglizchada erkin so’zlasha oladigan top-menejerlarga esa 10 ming yuan maosh 

berardi.  Taqqoslash  uchun:  Xitoyda  xodimlarning  95%  idan  ko’prog’i  davlat 

sektorida  band  bo’lib,  ularning  o’rtacha  oylik  maoshi  500-700  yuandan  iborat  edi. 

Pekinda bunday maoshdan aqalli ijara haqini to’lash ham qiyin hisoblanardi. Natijada 

hukumat  subsidiyalar  hisobiga  oylik  yashash  to’lovini  80  yuangacha  tushirishga 

muvaffaq  bo’ldi.  Subisidiyaga  kirmaydigan  yashash  joylarining  ijara  haqi  shu 

paytning  o’zida  kamida  1000  yuan  bo’lib,  ularning  narxi  joylashishi,  qulaylik 

darajasiga qarab o’zgarardi. 

1995  yilning  oktyabr  oyigacha  KRR  qarorgohida  mahalliy  etkazib  beruvchilar 

borasida  noaniqlik  hukmron  edi  va  bu  o’z  navbatida  menyuni  shakllantirishda 

qiyinchilik  tug’dirardi.  Xitoy  oshxonasida  tovuq  go’shti  doimo  tanovul  qilinishiga 

qaramasdan,  KRRning  an’anaviy  menyusi  Pekinda  hali  sinovdan  o’tkazilmagandi. 

Xitoyliklarning  AQShda  baralla  reklama  qilinayotgan  sog’lom  ovqatga  munosabati 

ham  qanaqa  bo’lishi  borasida  noaniqliklar  mavjud  edi.  Vang  va  uning  hamkasblari 

oldida  qisqa  vaqt  mobaynida  echilishi  shart  bo’lgan  bir  qator  muammolar  yuzaga 

kelgandi: