O`zbekiston respublikasi oliy va o`rta maxsus ta`lim vazirligi toshkent davlat texnika universiteti “Geologiya qidiruv” fаkultеti “Nеft va gazni qayta ishlash ob’ektlari” kаfеdrаsi «korroziyadan himoya qilish»

1.2. Металлар коррозиясига қарши кураш муаммоларининг ижтимоий, иқтисодий ва экологик жиҳатлари.
Ҳозирги пайтда Ер шаридаги аҳоли сони вақт ўтиши билан ортиб бормоқда. 1850 йилда у 1,2 млрд. кишини, 1950 йида эса 2,5 млрд. кишини ташкил этган бўлса, 2000 йилга келиб бу кўрсаткич 5 млрд кишидан ортди. Ўз навбатида инсониятнинг эҳтиёжлари ҳам мутаносиб равишда эмас, балки жуда юқори темплар билан ортиб бормоқда.
Узлуксиз ортиб бораётган бундай эҳтиёжни фақатгина ишлаб чиқаришни жадал ривожлантириш ҳисобига қондириш мумкин. Охирги ярим аср мобайнида планетамиздаги аҳоли сони 1,6 мартага ортган бўлса, асосий ишлаб чиқариш ҳажми 2,5 марта ортган. Ишлаб чиқаришни ташкил қилиш, йўлга қўйиш ва амалга ошириш учун эса қурилмалар, жиҳозлар, коммуникацилар ва замонавий машиналар зарур бўлади. Буларнинг барчасини металл, қотишма ва композицияларсиз тасаввур қилиш қийин. Улар қора ва рангли металл қотишмаларидан, табиий ва сунъий киёвий бардошли материаллардан ҳамда композициялардан тайёрланади. Вақт ўтиши билан коррозия туфайли улар эскиради, емирилади ва яроқсиз ҳолга келади. Бу эса нафақат иқтисодий зарар, балки глобал экологик катастрофаларга олиб келади.
Металл бюмлар, жиҳозлар, конструкциялар ва қурилмаларнинг коррозиясидан планетамиз бўйича кўриладиган зарар мисли кўрилмаган рақамларни ташкил қилади. Масилан биргина Америка Қўшма Штатларида коррозия туфайли кўриладиган зарар йилига 300 млрд долларни ташкил қилади, бу эса мамлакат миллий даромадининг 6% ни ташкил қилади.
Россия Федерациясида коррозия туфайли ҳар йили металл фонди умумий массасининг 12% йўқолади, бу эса йиллик ишлаб чиқариладиган металлнинг 30% демакдир. Бундай улкан бевосита зарардан ташқари яна жуда катта билвосита зарарлар ҳам муқаррардир. Уларга металл жиҳозлар қувватининг йўқолиши, авариялар туфайли уларнинг мажбурий тўхтатишдан кўриладиган зарарлар, шунингдек кўпинча экологик катастрофаларга олиб келувчи авария оқибатларини бартарафлаш учун кетадиган харажатлар ва бошқалар киради.
Коррозия муаммоларининг долзарблиги қуйидаги уч асосий жиҳатлари билан аниқланади:

1. 
   инсон ҳалокатига ва атроф муҳитнинг ифлосланишига олиб келувчи катастрофа ва аварияларнинг олдини олиш мақсадида турли объектлар (АЭС объектлари, самолётлар, кемалар, бинолар, коммуникация ва узатиш тизимлари ва б.) ишончлилигини ошириш:
   
2. 
   захиралари чекланганлигини ҳисобга олган ҳолда дунё миқёсида металл ресурсларини (металл фондини) тежаш ва сақлаб қолиш;
   
3. 
   барча турдаги машиналар, резервуарлар, қувур ўтказгичлар, кўприклар, темир йўллар ва ҳ.к. коррозияси туфайли кўриладиган моддий ва иқтисодий зарарларни камайтириш;