O’zbekiston respublikasi оliy va o’rta maxsus ta’lim vazirligi тоshkent moliya instuti

Kengash kotibi: __________ PhDI. Choriyev


KIRISH

Oliy ta'limda tayyorlanayotgan mutaxassislarning sifat darajasi ko‘p jihatdan mustaqil ishlarni tashkil etish holatiga bevosita bog‘liq. Chunki barcha fanlar bo‘yicha mustaqil ta'limga ajratilgan mavzular ham bevosita o‘rganilishi shart. Keltirilayotgan jihat sirtqi (birinchi va undan keyingi oliy ta'lim negizidagi sirtqi shaklda) ta'limning barcha ta'lim yo‘nalishlarida o‘qitiladigan “Xorijiy til” faniga ham taalluqlidir. Mamlakatimizdagi iqtisodiy taraqqiyotning bugungi bosqichida chet tiliga alohida e'tibor qaratilayotgan bugungi kunda bu fanni chuqur o‘rganish davr talabi xisoblanadi. Shundan kelib chiqqan holda mustaqil ishlashni samarali tashkil etish dolzarb masalalardan biridir.

MUSTAQIL TA'LIMNING TASHKILIY TALABLARI
O‘quv sessiyasigacha bo‘lgan muddatda sirtqi (maxsus sirtqi) ta'limda o‘qish mustaqil, jumladan, masofadan turib ta'lim olish shaklida amalga oshiriladi.
Bunda talaba metodik ko‘rsatmalardan foydalangan holda ishchi o‘quv rejada semestr uchun rejalashtirilgan fanlarning dasturlarida belgilangan mavzularni mustaqil o‘zlashtiradi. Xar bir talaba uchun aloxida vazifalar sifatida belgilangan rejadagi variant topshiriqlarni to‘liq bajarish hamda mazmunli taqdimot qilish talab qilinadi.


MUSTAQIL TA'LIM BO‘YICHA TALABALAR BILIMINI BAHOLASH MEZONLARI
Talaba fan bo‘yicha topshiriqlarni bajargandan so‘ng, uni fan o‘qituvchisiga belgilangan muddatlarda (odatda, masofadan turib Internet orqali) yuboradi hamda kafedrada sirtqi bo‘lim talabalari mustaqil ta'lim topshiriqlarini qayd etish daftarida qayddan o‘tkazadi. Fan o‘qituvchisi talaba yuborgan materiallarni tekshirib, oraliq ishi sifatida baholaydi. Fan o‘qituvchisi mavzular bo‘yicha navbatdagi topshiriqlar va ko‘rsatmalarni yuborishi, shuningdek, on-layn rejimida o‘quv mashg‘ulotlarini o‘tkazishi mumkin. Sirtqi (maxsus sirtqi) ta'lim talabasi har bir semestr davomida bir marta oliy ta'lim muassasasiga o‘quv sessiyasiga chaqiriladi. Buning uchun unga o‘quv sessiyasi boshlanishiga qadar (kamida 10 kun oldin) belgilangan shaklda xabarnoma yuboriladi.
Talaba semestr uchun berilgan topshiriqlarni yuqorida belgilangan tartiblarda himoya qiladi. Talaba tomonidan bajarilgan mustaqil ta'lim vazifalari 25 ballik tizimda baholanadi va oraliq baho sifatida qayd etiladi. Fan bo‘yicha barcha topshiriqlar ijobiy baholangan taqdirda talabaga fan bo‘yicha yakuniy baholashga kirish huquqi beriladi.
Joriy baholash