O‘zbekiston respublikasi oliy va o‘rta maxsus ta’lim vazirligi toshkent to‘qimachilik va engil sanoat instituti

2. Йигирув эритмасини тайёрлаш. Полимерлар доим қаттиқ жисм бўлганликлари туфайли улардан тола олиш учун уларни суюқлик, эритма ёки юмшоқ ҳолатга келтирилади.
3. Ипларни шакллантириш (йигириш). Жараённинг бу босқичида йигирув эритмаси босим кучи ёрдамида филъеранинг майда тешикчаларидан ўтказилади. Кимёвий толаларнинг тури, йўғонлиги ва кўндаланг кесимининг кўриниши филъералар тешикларининг сонига, диаметрига ва шаклига боғлиқ. Филъерада битта тешик бўлса якка тола ҳосил бўлади. Филъерада 24-50 тагача тешик бўлса, у ҳолда комплекс толаси олинади.
4. Ипларни пардозлаш Олинган толаларни пардозлаш учун улар ювилади, қуритилади, буралади, оқартирилади ёки бўялади, яъни уларга тўқимачиликда қайта ишлаш учун талаб қилинаётган хусусиятлар берилади.
5. Тўқимачилик ишлов бериш Ипларни чўзиш, эшиш, ғалтакларга ўраш бажарилади
Вискоза толаси. Вискоза толасини олиш учун арча ёғочидан целлюлоза ажратиб олинади. Целлюлоза - қоғоз комбинатларида пайраҳа ҳолатигача майдаланиб ишқор эритмасида қайнатилади. Натижада целлюлоза оммаси ҳосил бўлади. У оқартирилади ва картон шаклида кимёвий толалар ишлаб чиқарувчи комбинатига келтирилади.
Вискоза ишлаб чиқарадиган заводларга целлюлоза картон қоғоз кўринишида келтирилади.
Вискоза толаси қуйидаги схема бўйича ишлаб чиқарилади.


1. Целлюлоза картони-прессланган той ҳолида келтирилади
2. Қуритиш
3. Целлюлозани мерсеризациялаш-целлюлоза 18 фоиз NaOH билан 45-50⁰С да 1 соат давомида ишлов бериш С₆H₇О₂(ОH)₃+NaOH  С₆H₇О₂(ОN)₂ОNа+nH₂О натижада ишқорли целлюлоза ҳосил бўлади.
4. Ишқорли целлюлоза майдалаш-махсус машиналарда бажарилади
5. Ишқорли целлюлозани етилиши-майдаланган И.Ц.транспортёрлар устида 1 соат мобайнида, 25-30⁰С хароратда аралаштирилиб турилади. Натижада ишқорли целлюлоза оксидланади. Молекула узунлиги камаяди. Целлюлозани эритишга имконият яратилади.