O‘zbеkiston rеspublikasi oliy va o‘rta maxsus ta'lim vazirligi toshkеnt davlat iqtisodiyot univеrsitеti

1.5. Фанни ўқитиш семестрлари.

«Эконометрика» фани бешинчи ва олтинчи семестрда «Касбий таълим» таълим йўналиши 3-курс талабаларига ўқитилади. Фанни ўқитишга «Иқтисодчилар учун математика», «Иқтисодий назария», «Микроиқтисодиёт», «Информатика», «Эҳтимоллар назарияси ва математик статистика», «Иқтисодий-математик усуллар ва моделлар», «Иқтисодий статистика» фанларини ўргангандан кейин киришиш лозим.

Ушбу фанни яхши ўзлаштириш учун талабалар талаб ва таклиф функцияларини, корхоналарнинг фаолият кўрсатиш механизмини, корхоналарда ишлаб чиқариш ресурсларидан фойдаланиш ва харажатлар функцияларини, корхоналар иқтисодиётини, замонавий ахборот технологиялари билан ишлашни мустақил ўрганиши мақсадга мувофиқдир.
Фанни ўрганишда чет эл адабиётларидан кенг фойдаланиш муҳим аҳамиятга эгадир. Фан бўйича ва унга яқин мавзулар юзасидан халқаро Internet тармоғидан фойдаланиб, эконометрик моделлаштиришда ва қарор қабул қилиш жараёнларига оид маълумотлардан фойдаланишлари, талабаларнинг билимларини ҳар томонлама ошишига олиб келади.


1.6. Ўқув режасида фанга ажратилган соатнинг умумий ҳажми ва
дарс турлари бўйича тақсимоти.

«Эконометрика» фани жами 140 соатдан иборат бўлиб, шу жумладан: 54 соат маъруза, 36 соат амалий машғулот ва 50 соат мустақил таълимдан иборатдир.

II. АСОСИЙ ҚИСМ.
2. Ўқув материалларининг мазмуни
2.1. Фан бўйича маърузалар мавзулари ва уларнинг мазмуни.


1-Мавзу. Кириш. Эконометрика фаннинг асосий мақсади, моҳияти ва эконометрик моделлаштиришнинг зарурлиги.

Эконометрикага кириш. Фаннинг мақсади ва вазифалари. Эконометрия ва унинг статистика ва бошқа фанлар билан алоқаси. Иқтисодий тизимлар ва жараёнларнинг мураккаблиги. Иқтисодиётни эконометрик моделлаштиришнинг зарурлиги. Башоратлашнинг математик усуллари ва моделлари. Математик усуллар ва моделлар таснифи. Эконометрик моделларни яратиш шартлари. Эконометрик моделларнинг статистик базаси. Бозор муносабатлари шароитида иқтисодий кўрсаткичларнинг таҳлили ва башоратида эконометрик моделлардан фойдаланиш.