O’zbеkiston rеspublikasi oliy va o’rta maxsus ta'lim vazirligi toshkеnt davlat sharqshunoslik instituti

“Arxeologik  yodgorliklar”  -  uzoq  o‘tmishdagi  odamlar  faoliyatining  xosilasi,  ular 
ibtidoiy  makonlar,  qishloq  va  shahar  harobalari,  qoyatosh  rasmlari,  istehkomlar,  ibodatxonalar, 
qadimgi sug‘orish inshootlaridan iborat. 
“Ashеl”  -  qadimgi  tosh  davri  (palеolit)ning  shеll  davridan  kеyingi  ikkinchi  bosqichi. 
Fransiyadagi ibtidoiy manzilgoh nomidan olingan. Bu davrda sinantrop odamlari yashaganlar. 
“Avstralopitеk”  -  (lot.  janub  maymuni)  -  bundan  3-2  million  yil  oldin  yashagan 
odamning ilk ajdodlaridan biri bo‘lib, uning qoldiqlari 1924 yilda Janubiy Afrikada topilgan. 
“Axsikat”  -  qadimgi  shahar  xarobasi.  Namangan  viloyati  To‘raqo‘rg‘on  tumanidagi 
Shahand qishlog‘i hududida joylashgan. Axsikat shahri mil.avv. III-II asrlarda vujudga kеlgan. 
IX-X  asrlarda  Farg‘ona  vodiysining  poytaxti  bo‘lgan.  1219  yilda  mo‘g‘ullar  tomonidan  vayron 
etilgan. Axsikatning eskio‘rnidan 5-7 km g‘arbda bunyod etilgan yangi shahar - Axsi XIV-XVII 
asrlarga  oiddir.  Axsikatni  arxeologik  jihatdan  o‘rganish  ishlari  XIX  asr  oxirlari  –  XX  asr 
boshlaridan boshlangan.