Oʻzbekiston respublikasi oliy va oʻrta maxsus taʼlim vazirligi toshkent moliya instituti

Hujjatlarni ko‘rib chiqish muddatlari
Talabgorlar to‘g‘ri rasmiylashtirilgan hujjatlarni vakolatli organga attestatsiya 
kunidan kamida etti ish kun oldin taqdim etadi va attestatsiya kunidan ikki ish kuni 
oldin tasdiqlanadigan attestatsiyaga ruxsat berilgan shaxslar ro‘yxatiga kiritiladi. 
Imtixonsiz malaka guhonmasini olish
Istisno tariqasida, moliya-iqtisod yoki huquqshunoslik sohasida imtiyozli oliy 
ma’lumot diplomiga ega oliy ta’lim muassasasi bitiruvchisi agar oliy ma’lumotga 
egaligi to‘g‘risidagi diplom berilgan kundan 3 yildan ko‘p vaqt o‘tmagan bo‘lsa 
attestatsiyadan o‘tmasdan va belgilangan yig‘imni to‘lamasdan II toifa malaka 
guvohnomasini olishi mumkin. 
Rad etish uchun asoslar
Taqdim etilgan hujjatlar nomuvofiq rasmiylashtirilgan taqdirda, hujjatlar 
to‘liq taqdim etilmaganda yoki Nizomda nazarda tutilgan boshqa hollarda vakolatli 
organ talabgorga attestatsiyadan o‘tishga rad javobini beradi. Bunda malaka 
guvohnomasini olish uchun ariza bergan shaxsga arizani bergan kunidan e’tiboran 5 
ish kunidan kech bo‘lmagan muddatda yozma shakldagi asoslangan rad javobi 
yuboriladi. 
 

---

170 
To‘lov miqdori va tartibi
Attestatsiyalar (qayta attestatsiyalar)ni o‘tkazish va texnik xizmat ko‘rsatish 
bilan bog‘liq xarajatlarni qoplash maqsadida, talabgorlardan vakolatli organ hisob 
raqamiga o‘tkaziladigan bazaviy hisoblash miqdorining bir baravari miqdorida bir 
martalik yig‘im undiriladi. 
To‘lov turlari: to‘lov naqd bo‘lmagan hisob-kitob yoki “Payme” tizimi orqali 
amalga oshiriladi. Attestatsiyadan o‘tmagan shaxslarga bir martalik yig‘im 
qaytarilmaydi. Avval attestatsiyadan o‘tmagan shaxsning xar bir keyingi 
attestatsiyasi (qayta attestatsiyasi) tegishli bir martalik yig‘imni to‘lash bilan birga 
amalga oshiriladi. Ketma-ket ikki marta attestatsiyadan o‘tishga kelmagan 
talabgorlar attestatsiyaga ruxsat berilgan shaxslar ro‘yxatidan chiqarib tashlanadi va 
bir martalik to‘lov qaytarilmaydi. 
Xorijiy davlatlarning qimmatli qog‘ozlar bozorini tartibga solish va nazorat 
qilish bo‘yicha vakolatli organlar bilan faoliyatini muvofiqlashtirish, milliy va 
xalqaro qimmatli qog‘ozlar bozorida qimmatli qog‘ozlar to‘g‘risidagi qonun 
hujjatlari buzilishining oldini olishda hamkorlik qilish, qimmatli qog‘ozlar bilan 
operatsiyalarni amalga oshirishning umumiy standartlari va qoidalarini ishlab 
chiqish uchun Vazirlar Mahkamasining 12.01.1998 yil 16-son qarori bilan, Kapital 
bozorini rivojlantirish agentligi Qimmatli qog‘ozlar bo‘yicha komissiyalar xalqaro 
tashkilotida (IOSCO) O‘zbekiston 
Respublikasining 
vakolatli 
vakili 
etib 
tayinlangan edi.
Hozirgi kunda 1983 yilda tashkil etilgan IOSCO (bosh qarorgohi Madrid 
shahrida) a’zolari 120 mamlakatning milliy fond bozori regulyatorlari hisoblanib, 
ular global qimmatli qog‘ozlar bozorining 95 foizini nazorat qiladi. 
IOSCO ning asosiy vazifalari - bu tashkilot a’zolari o‘rtasida xalqaro e’tirofga 
sazovor bo‘lgan standartlar va qoidalarga muvofiqlikni ishlab chiqish, qo‘llash va 
ilgari surish, investorlarning huquqlarini himoya qilish va qimmatli qog‘ozlar 
bozorining samarali va oshkora tuzilishini ta’minlash, hamkorlikni rivojlantirish, 
axborot almashinuvini ta’minlash orqali investorlarning huquqlarini himoya qilish 
choralarini kuchaytirish. shuningdek milliy qimmatli qog‘ozlar bozorini samarali 

---

171 
tartibga solish maqsadida global va mintaqaviy miqyosda ma’lumot almashish 
imkoniyatini yaratadigan qimmatli qog‘ozlar bozorini nazorat qilish hisoblanadi. 
Shuningdek, bugungi kunda Koreya Respublikasi fond birjasi (KRX), 
Yaponiya xalqaro hamkorlik agentligi (JICA) va Koreya xalqaro hamkorlik 
agentligi (KOICA) bilan O‘zbekiston Respublikasining qimmatli qog‘ozlar bozorini 
rivojlantirish bo‘yicha zamonaviy tajriba almashish choralari ko‘rilmoqda.