Oʻzbekiston respublikasi oliy va oʻrta maxsus taʼlim vazirligi toshkent moliya instituti

8.5. Jahondagi yirik fond birjalarning listing talablari
Listing
(ingliz tilida - ro‘yxat) – qimmatli qog‘ozlarni birja ro‘yxatiga (Birja 
savdosida ishtirok etish uchun ruxsat berilgan qimmatli qog‘ozlar ro‘yxati) kiritish 
bilan bog‘liq xatti-harakatlar jamlamasi va birja tomonidan belgilangan shart va 
talablarga qimmatli qog‘ozlarning muvofiqligini nazorat qilishdir. Ko‘p holatlarda 
birja ro‘yxatini ham listing deb nomlashadi. Hujjatlar ko‘rib chiqilgach, birinchi 
yoki ikkinchi darajali kotirovkali ro‘yxatga qimmatli qog‘ozlar kiritilgandan keyin
ular mazkur protseduradan o‘tgan deb e’tirof etiladi.
Ro‘yxatga olish jarayoni quyidagi bosqichlarni o‘z ichiga oladi: 

qimmatli qog‘ozlarni listing protsedurasi va ularni ikkinchi darajali 
kotirovka ro‘yxatiga qo‘shish to‘g‘risidagi ariza, shuningdek, ro‘yxatdan tashqari
qimmatli qog‘ozlarni savdo tashkilotchisi orqali aylanmada ishtirok etishga ruxsat 
berish to‘g‘risida ariza. Qimmatli qog‘ozlar listingi protsedurasi to‘g‘risida ariza 
va ularni birinchi darajali kotirovkali varaqqa kiritishni faqat ko‘rsatilgan qimmatli
qog‘ozlarning emitenti takdim qila oladi; 

ekspertlibaholashni o‘tkazish uchun fond birjasi bilan shartnoma tuzish; 

emitentning moliyaviy va xo‘jalik faoliyatiga oid ahamiyatli faktlarga
tegishli ma’lumotlarni ochib berish; 

emitent faoliyatining rentabelligi, likvidlilik koeffitsienti ko‘rsatkichlari 
va hokazo asosida qimmatli qog‘ozlarni ekspertizadan o‘tkazish;

qimmatli qog‘ozlarni birjada ishtirok etishga ruxsat berish komissiyasida 
yoki emitentlar, ularning vositachilari, birjaning mutaxassislari ishtirokida

---

332 
kotirovkali komissiyasida ekspertiza natijalarini ko‘rib chiqish. Emitent qimmatli 
qog‘ozlarining chiqarilishi natijalari to‘g‘risidagi hisobot tegishli davlatlar 
qonunlariga va Qimmatli qog‘ozlar bozorini muvofiqlashtiruvchi organning 
normativ hujjatlariga muvofiq ro‘yxatdan o‘tkazilishi kerak.