O‘zbekiston respublikasi oliy va o‘rta maxsus ta’lim vazirligi termiz davlat universiteti yuridik fakulteti

O‘quv fanining dolzarbligi va oliy ta’limdagi o‘rni
 
Mamlakatimizda  mustaqillik  yillarida  amalga  oshirilgan  keng  ko‘lamli  islohotlar  milliy  davlatchilik  va 
suverenitetni  mustahkamlash,  xavfsizlik  va  huquq-tartibotni,  jamiyatda  qonun  ustuvorligini,  inson  huquq  va 
erkinliklarini,  millatlararo  totuvlik  va  diniy  bag‘rikenglik  muhitini  ta’minlash  uchun  muhim  poydevor  bo‘ldi, 
xalqimizning  munosib  hayot  kechirishi,  jahon  talablari  darajasida  ta’lim  olishi  va  kasb  egallashi, 
fuqarolarimizning bunyodkorlik salohiyatini ro‘yobga chiqarish uchun zarur shart-sharoitlar yaratdi.  
Yangi  sharoitlardan  kelib  chiqib,  «Ta’lim  to‘g‘risida»gi  O‘zbekiston  Respublikasi  qonuniga,  2017-2021-
yillarga  mo‘ljallangan  «O‘zbekiston  Respublikasini  yanada  rivojlantirish  bo‘yicha  Harakatlar  strategiyasi»ga 
muvofiq,  ta’lim  bosqichlarining  uzluksizligi  va  izchilligini  ta’minlash,  ta’limning  zamonaviy  metodologiyasini 
yaratish,  davlat  ta’lim  standartlarini  kompetensiyaviy  yondashuv  asosida  takomillashtirish,  o‘quv-metodik 
majmualarning  yangi  avlodini  ishlab  chiqish  va  amaliyotga  joriy  etish  hamda  pedagog  xodimlarini  qayta 
tayyorlash va ularning malakasini oshirish tizimini yanada takomillashtirish taqozo etadi.  
Hozirgi  kunda  ta’lim  tizimi  soxasida  xar  bir  shaxs  normativ-huquqiy  hujjatlarda  nazarda  tutilgan  o‘z 
huquqlari, majburiyatlari va javobgarligini bilishi lozim.  
Ushbu dasturda ta’lim tizimining normativ-huquqiy asoslari jumladan: «Ta’lim to‘g‘risida»gi Qonun, ta’lim 
tizimiga  oid  normativ-huquqiy  hujjatlarni  ishlab  chiqish  va  amalga  kiritish  tartibi,  O‘zbekiston  Respublikasi 
Prezidenti,  Vazirlar  Mahkamasining  farmon,  farmoyish,  qarorlari  hamda  Oliy  va  o‘rta  maxsus  ta’lim 
vazirliklarining buyruqlari bayon etilgan. 
Shuningdek,  dasturda  xorijiy  davlatlardagi  kredit  ta’lim  tizimlari,  kredit  tizimi  asosida  ta’lim  jarayonlarini 
tashkil etish va uning sifatini ta’minlashning innovatsion metodlari, kredit-modul tizimida pedagoglar faoliyati, 
kredit-modul  tizimida  o‘quv  jarayonining  uslubiy  ta’minoti,  ta’lim  sohasiga  oid  qonun  hujjatlari  va  ularning 
mazmuni,  ta’lim  muassasalarida  korrupsiyani  oldini  olish  va  unga  qarshi  kurashishning  huquqiy  va  ma’naviy-
ma’rifiy asoslari, oliy ta’limning normativhuquqiy asoslari bayon etilgan.