O’zbekiston respublikasi oliy va o’rta maxsus ta’lim vazirligi termiz davlat universiteti biologiya kafedrasi

Oddiy  va  murakkab  barglar.  Barglarning  assimilyatsiya  qiluvchi  asosiy  qismi  -  uning 
yaprog’idir. Agar bargda bitta yaproq bo’lsa oddiy barg deb, agar umumiy asosga ega bo’lgan barg 
bandiga, o’zining barg bandlari bilan bir necha barg yaprog’i biriksa murakkab barglar deb ataladi. 
Murakkab  barglarning  ayrim  yaproqlariga  bargchalar  deb,  bargchalar  tutashgan  asosiy  o’qqa raxis 
(yunon.  raxis - umirtqa) deb ataladi. Bargchalarning raxisda joylashishiga  qarab murakkab barglar 
panjasimon, toq va juft patsimon va boshqalar bo’lishi mumkin. Murakkab barglarning bargchalar 
soni  uchta  bo’lsa,  uch  bargchali  beshta  bo’lsa,  besh  bargchali  va  boshqalar  murakkab  barglar 
deyiladi. 
Barglarning  shakllari.  Oddiy  barglar  va  murakkab  barglar  bargchalarining  yaproqlari  turli 
shakllarda  bo’lishi  mumkin.  Barglarning  yaproqlarini  shakli,  o’simliklarning  turkumini,  turlarini 
aniqlashga yordam beradi. Barg yaproqlarini shakli yumaloq, panjasimon, tuxumsimon, ovalsimon, 
lantsetsimon,  yuraksimon,  nashtarsimon,  kalami,  teskari  keng  tuxumsimon,  keng  tuxumsimon, 
o’roqsimon  va  boshqa  bo’lishi  mumkin.  Barglarning  qirrasi  tekis,  tishsimon  qirqilgan,  ikki  karra 
tishsimon, o’yilgan bo’lishi mumkin.