O`zbеkiston rеspublikasi oliy va o`rta maxsus ta'lim vazirligi tеrmiz davlat univеrsitеti tabiiy fanlar fakultеti

ҲУЖАЙРА ҲАҚИДА ТУШУНЧА 
Ҳужайра кўп ҳужайрали организмларнинг функционал ва генетик 
оддий тузилмасидир. Хар бир хужайра ядро, цитоплазма ва хужайра 
мембранасидан ташкил топган бўлади. ҳозир хужайранинг тузилишини 
ўрганишда бир неча минг марта катта қилиб кўрсатадиган электрон 
микроскопдан фойдаланилади.
Ҳужайра мембранаси уч кават тузилишга эга бўлиб, ҳар бир қавати 
тахминан 25А қалинликда бўлади. Ташқи ва ички қаватлари бир қатор 
жойлашган оқсил молекулаларидан тузилган. ўрта қавати икки қатор 
жойлашган липид молекулаларидан тузилган. ҳужайрада моддалар 
алмашинувида иштирок этадиган сув, аминокислоталар, глюкоза, минерал 
тузлар ана шу мембрана орқали ҳужайра ичига ўтади.
Цитоплазма ярим суюқ муҳит бўлиб, электрон микроскопда 
қаралганда, унинг майда донадор структураси аниқ кўринади. Цитоплазмада 
ядро ва хужайранинг барча органоидлари универсал ва махсус органоидларга 
бўлинади. Универсал органоидлар барча организмлар ҳужайрасида бўлади. 
Махсус органоидлар баъзи ҳужайралардагина учрайди. Универсал 
органоидларга митохондриялар, Гольжи аппарати, эндоплазматик тўр, 
рибосомалар, лизосомалар ва хужайра маркази киради. Махсус 
органоидларга мускул хужайраларини қисқартирувчи миофибриллар, нерв 
хужайраларидаги нейрофибриллар ва харакат органоидлари - хивчинлар, 
киприкчалар киради.
Ядро хужайранинг асосий қисми бўлиб, бўлиниш хусусиятига эга. 
Ядронинг шакли кўпинча хужайра шаклига ўхшаб кетади. Ядро ташқи ва 
ички мембрана орқали цитоплазмадан ажралиб туради. Мембранада 
тешикчалар (поралар) бўлиб, оқсил молекулалари, аминокислоталар, 
нуклеотидлар ана шу тешикчалардан ўтади, натижада цитоплазма билан ядро 
ўртасида актив моддалар алмашинуви содир бўлиб туради. Ядронинг ичи 
суюклик (шира) билан тўлган бўлиб, бу ерда хромосомалар, ядрочалар (битта 
ёки кўп) жойлашган. Ядро шираси таркибида оқсиллар, нуклеин кислоталар, 
углеводлар ва бошқа моддалар бўлади.
Лизосома юмалоқроқ шаклда бўлиб, мембранаси уч каватдан ту- 
зилган. Унинг таркибидаги ферментлар таъсирида оқсиллар, нуклеин 
кислоталар, липидлар парчаланади.