O’zbekiston respublikasi oliy va o’rta maxsus ta’lim vazirligi samarqand veterinariya meditsinasi instituti

Kimyoviy kurash usuli va uni qo’llash muammolari.I. Kimyoviy kurash usuli zararli organizmlarga qarshi kimyoviy kurash vositalari-pestisidlarni qo’llashga asoslangan bo’lib, bu usulni asosiy ustunligi zararli organizmlarga qarshi qisqa muddatlarda o’z samarasini ko’rsatishidir. Bundan tashqari, kimyoviy kurash vositalarini tashish va qo’llash ishlarini to’la mexanizasiya yordamida bajarish mumkin. Ammo, pestisidlarni qo’llash albatga ekologik muammolarni inobatga olgan holda olib borilishi lozim. Shu munosabat bilan keyingi yillarda pestisidlarni asortimentiga va ularni qo’llash usullariga ancha o’zgartirishlar kiritildi. Kimyoviy kurash vositalaridan bundan keyingi foydalanish ham ekologik muammolarni e’tiborga olgan xolda olib borilishi lozim.

II.Zararkunandalarga qarshi yetarli ta’sir etish va foydali Hasharotlarga zarar yetkazmaslik barcha yangidan yaratilgan pestisidlar oldiga qo’yilgan asosiy talablardan biridir. Pestisidlarni zararli ta’sirini kamaytirish uchun quyidagi yo’nalishlarda izlanishlar olib borilmoqda.

1. 
   Insonlarga kam zaharli, ekologik bezarar dorilar ishlab chiqarish.
   
2. 
   Tanlab ta’sir etuvchi pestisidlar ishlab chiqarish.
   
3. 
   Hasharotlarni rivojlanishini boshqaruvchi yangi moddalar (stimulyatorlar) ishlab chiqarish.
   
4. 
   Qo’llanishi qulay, atrof muxitda uzoq saqlanmaydigan samarali pestisidlar ishlab chiqarish.
   
5. 
   Pestisidlarni qo’llashni taktikasini takomillashtirish va bunda zararli aa foydali Hasharotlarni biologik xususiyatlari, etnlarni rivojlanishi fenologiyalarini inobatga olish.
   
6. 
   Pestisidlarni kumulyativlik (organizmlarda yig’ilishi) xususiyatini kamaytirish.
   

III.Pestisidlarga bo’lgan asosiy talablar:

1. Tanlab ta’sir etish;

2.Kumulyativlikni yo’qligi;

3.Arzonligi;

4.Saqlash, tashish va qo’llashga qulayligi;

5.Atrof muhitga kam zaharliligi va h.k.