O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Ekskursiyani  olib  borish  texnikasini  aniqlash.  Ekskursiyani  olib  borish 
texnikasi  ekskursiya  jarayonining  barcha  tashkiliy  masalalarini  o‘z  ichiga  oladi. 
Masalan, avtobusli ekskursiya mualliflari ekskursantlar qachon va qayerda ob’ektni 
ko‘rishga  tushadilar,  ob’ektlar  oralig‘ida  qanday  harakatlanadilar,  «gid 
portfeli»dagi  ko‘rgazmali  vositalarni  qanday  va  qachon  namoyish  etilishini  obdon 
o‘ylab ko‘rib, zaruriy ma’lumotlarni texnologik xaritaning «tashkiliy ko‘rsatmalar» 
grafasida  yozadilar  (avtobusni  qayerda  to‘xtatish,  ob’ektni  oynadan  kuzatish 
maqsadida qayerda sekinroq haydash, salonda tartib saqlash va sh.k ). 
Tanaffuslardan  foydalanish,  vaqtni  unumli  sarflash  (mavzuostilarni 
yoritishda, savol javobda), «gid portfeli»dagi vositalarni ko‘rsatish texnikasi, diniy 
ob’ektlarga  kirish  tartibi,  ob’ektni  ko‘rsatishda  gidning  o‘rni,  avtobus  harakatida 
ob’ektni  ko‘rsatish  va  shu  kabi  muhim  masalalarda  tavsiyalar  ishlab  chiqish 
muhimdir.