O‘zbekiston respublikasi oliy va o‘rta maxsus ta’lim vazirligi samarqand iqtisodiyot va servis instituti

Afrikada  davolash-sog‘lomlashtirish  turizmi  kuchayib  borayapti.  Tunis 
kurortlarining dong‘i taralayapti. 1996 y. bu yerda yangi suv-balchiq bilan davolash 
Markazi  ochildi.  U  dunyoda  eng  yirik  hisoblanadi  va  eng  zamonaviy  davolash 
vositalari, uskunalar va malakali kadrlar bilan ta’minlangan. Markazda dengiz suvi va 
balchig‘idan foydalanilgan holda uqalab davolashning barcha turlari qo‘llaniladi. 
Afrikaning  shimoliy  qirg‘oq  bo‘ylarida  dengiz  bo‘yi  iqlim  kurortlari 
joylashgan.  Misrda  tan  olingan  turistik  markaz  Qizil  dengizdagi  Xurgada,  xalqaro 
klassdagi  kurortlar  Sharm-El-Shayx,  shuningdek  Daxab  va  Nuveyba  hisoblanadi. 
Marokkoda–Agadir,  Mohammediya,  Tanjer,  El  –  Xosseyma  va  boshqa  kurortlar 
ham  mashxur.  Keniya  dengiz  bo‘yi  kurortlari  Hind  okeani  qirg‘oqlari  bo‘ylab 
joylashgan.  Mombasa,  Kipini,  Malindi,  Lamu,  Kilifi,  shular  jumlasidandir.  Janubiy 
Afrika  respublikasida  ham  bir  necha  kurortlar  bor.  Afrika  mamlakatlari  kurort 
ishlarini rivojlantirish uchun umuman olganda mablag‘ga ega emas.