O‘zbekiston respublikasi oliy va o‘rta maxsus ta’lim vazirligi samdu oʻzbekiston-finlandiya pedagogika instituti

QAYERDA QANDAY SALOMLASHILADI?
- Misrliklarning qadimgi salomlashish usullari bugungi harbiylarning salomlashishiga o‘xshab ketadi. Ular kaftlarini peshonalariga qo‘yishgan.
- Sermulozamat fransiyaliklar do‘stlari bilan har uchrashganida qo‘l berib ko‘rishadi yoki o‘pishib qo‘yadi va xuddi shu tarzda xayrlashadi.
- AQShda esa oddiygina tarzda qo‘l berib ko‘rishiladi.
- Xitoyliklar ilgari zamonlarda bir-birlari bilan ko‘rishish belgisi sifatida o‘z qo‘llarini siqib qo‘yishgan. Bizning davrimizga kelib esa, bu usuldan tinglovchilarni qarshi olayotgan ma’ruzachilar foydalanadi.
- Yaponiyaliklar biror kishi bilan salomlashganda ta’zim qiladi. Bu juda nazokatli va madaniyatli ko‘rinadi.
- Kanadaliklar «burun berib» ko‘rishadilar, ya’ni ular uchun bir-birini uchratganda burunlarini tegizib qo‘yish odatga aylangan. Bunday salomlashish usuli shotlandiyaliklarga ham begona emas.
- Do‘stining qo‘li bilan o‘zining yuzini silab salomlashish odati esa, polineziyaliklarga xos.
- Britaniyaliklar do‘stlarini uchratganda, «salom» deb qo‘ya qoladi. Bunday sovuqqonlik katta yoshli kishilarda ham mavjud.
- Tibetliklarning salomlashish usuli biroz g‘alatiroq: ular salomlashishni bir-biriga tillarini chiqarib ko‘rsatish orqali ifodalashadi.
- Eskimoslar esa so‘rashayotgan kishilarning boshi va yelkasiga yengil musht bilan urib qo‘yadilar.
- Afrikadagi ayrim xalqlar bir qo‘lida oshqovoq uzatadilar. Ikkinchi qo‘li bilan esa, tirsaklarini ushlaydilar. Bu chuqur ehtirom belgisi hisoblanadi.
- Hindlar ikki kaftini birlashtirib va biroz egilgan holda salomlashadi.
Topshiriq. Quyidagi paronim so‘zlarning yozilishi va ma’nolarini eslab qoling. Ushbu so‘zlar ishtirokida gaplar tuzing.
Xalq – el, ulus Halq – halqum
Xam – egik, quyi solingan Ham – (men) ham
Xol – badandagi qora nuqta Hol – ahvol
Xosiyat – xususiyat Hosiyat – his etish
Xoli – bo‘sh, band emas Holi – ahvoli
Xush – yaxshi, ma’qul Hush – aql, es-hush
Xil-xil – turli-tuman Hil-hil – juda pishgan