O‘zbekiston respublikasi oliy va o‘rta maxsus ta’lim vazirligi samarqand davlat universiteti filologiya fakulteti

Amaliy va seminar mashg’ulotlari uchun zamonaviy pedagogik texnologiyalar asosida tayyorlangan topshiriqlar
“KICHIK GURUHLARDA ISHLASH” METODI – ta’lim oluvchilarni faollashtirish maqsadida ularni kichik guruhlarga ajratgan holda o‘quv materialini o‘rganish yoki berilgan topshiriqni bajarishga qaratilgan darsdagi ijodiy ish.
Ushbu metod qo‘llanilganda ta’lim oluvchi kichik guruhlarda ishlab, darsda faol ishtirok etish huquqiga, boshlovchi rolida bo‘lishga, bir-biridan o‘rganishga va turli nuqtai nazarlarni qadrlash imkoniga ega bo‘ladi.
“Kichik guruhlarda ishlash” metodi qo‘llanilganda ta’lim beruvchi boshqa interfaol metodlarga qaraganda vaqtni tejash imkoniyatiga ega bo‘ladi. Chunki ta’lim beruvchi bir vaqtning o‘zida barcha ta’lim oluvchilarni mavzuga jalb eta oladi va baholay oladi.
Tinglovchilarning ta’limdagi zamonaviy yondashuvlar bo‘yicha mavjud bilimlarini mustahkamlash, boyitish. Kompetensiyaviy yondashuv haqidagi tasavvurlarini kengaytirish, zamonaviy yondashuvlarni ta’lim jarayonida faol qo‘llashga yo‘naltirish.
Mazkur amaliy mashg‘ulot kichik guruhlarda ishlash yo‘li bilan amalga oshiriladi. Tinglovchilar 5-6 ta kichik guruhga bo‘lingan holda berilgan vazifalarni bajaradilar, fikr-mulohazalarini o‘rtoqlashadilar.


1-topshiriq
Tushunchalarga ta’rif bering (talabalarga tushunchalar yozilgan qog‘oz beriladi. Talabalar o‘zaro fikrlashib, tushunchalarga ta’rif beradilar):


Sheva - biror tilning o‘ziga xos fonetik, leksik, grammatik xususiyatlariga ega bo‘lgan kichik qismidir.
Lahja - fonetik, leksik, grammatik xususiyatlarni o‘zida birlashtirgan shevalar yig‘indisi.
Dialekt atamasi - dialektologik adabiyotlarda lahja, sheva ma’nolarida ham ishlatiladi. Hozirda esa u umumlingvistik dialekt atamasi ma’nosida ishlatilmoqda.
TRANSKRIPSIYA. Yozuvning maxsus turi.
TRANSLITERATSIYA. Matnni bir yozuv tizimidan ikkinchisiga o‘girish, masalan, kirildan lotinga.