|
2-jadval
Korxonalar uchun dolzarbligi va ahamiyati nuqtai nazaridan investitsiya
loyihalarining tavakkalchilik darajasi tasnifi.
Xulosa
Kurs ishi mavzusi ustida olib borilgan izlanishlarimiz natijasida investitsiya faoliyatida tavakkalchilik katta ahamiyatga ega ekanini bilib, investitsiya faoliyati va unga oid tavakkalchiliklar, ularni boshqarish va ularni pasaytirish yo’llari borasida quyidagi asosiy xulosalarga kelindi.
1. Investitsiya faoliyati davlat, fuqarolar va yuridik shaxslarning investitsiyalarni amalga oshirishdagi amaliy harakatlari yig’indisidir.
2. Investitsiya faoliyatini amalga oshirish, investitsiya loyihalari miqdorining o’sib borishi har bir mamlakat iqtisodiyoti uchun, qolaversa, jahon iqtisodiyoti uchun ham katta ahamiyatga ega. Loyihalarni amalga oshirishga jalb etiladigan investitsi-yalar samaradorligini ta’minlashda eng asosiy va bosh omil loyihaning sifatli, puxta, haqqoniy ishlab chiqilganligi, to’g’ri, aniq va chuqur o’rganib chiqilganligi hamda tahlil etilganligidir. Bunda loyiha tavakkalchiligini baholash va ularni pasaytirish yo’llari yoki boshqarish vositalarining ishlab chiqilganligi ham muhim ahamiyatga ega.
3. Investitsiya faoliyati bilan bog’liq tavakkalchilik – bu investitsiyaviy loyihalarni amalga oshirish jarayonida rejalashtirilgan foydani olmaslik ehtimoli, yoki investitsiya loyihasini amalga oshirishga halaqit beradigan yoki loyiha samaradorligini pasaytiradigan tavakkalchiliklarning yig’indisidir. Kutilishi mumkin bo’lgan xatar - bu investitsiyadan mo’ljallangan foydani olishga bo’lgan noumidsizlikdir. Shuningdek, investor tomonidan qo’yilgan pul mablag’larini yo’qotish mumkinligidir.
4. Investitsiya loyihasi bilan bog’liq tavakkalchiliklarining bir necha turlari mav-jud. Ularning hech birini ta’siri jihatidan ahamiyatsiz va xavfsiz, deb bo’lmaydi. Investitsiya loyihasi bilan bog’liq tavakkalchiliklar kichik bir texnologik yoki shu kabi mikrodarajadagi jarayondan tortib, to mamlakat, hatto, xalqaro miqyosdagi turli holatlar va hodisalarning o’zgarishiga bog’liq holda kelib chiqishi mumkin.
5. Investitsiya loyihasida uchraydigan tavakkalchiliklarni boshqarish yoki sug’ur-talash yo’li bilan ular tufayli ro’y beradigan yo’qotishlarni kamaytirish yoki bartaraf etish mumkin. Bunda qaysi usulning tanlanilishi loyihani amalga oshiruvchilarning o’zaro kelushuviga bog’liqdir.
6. Rivojlangan mamlakatlarda investitsiya loyihalarini moliyalashtirish tavakkal-chiliklarini boshqarishning asosiy tamoyillari quyidagilardan iborat ekanligi aniqlandi:
-investitsiya loyihalari bo’yicha ishlab chiqilgan biznes rejalarning mukammal ishlanganligi;
-tijorat banklari tomnidan berilgan investitsion kreditlarning ta’minoti uchun zarur bo’lgan yuqori likvidli garov ob’ektlarining mavjudligi;
-investitsion kredit oluvchilarning to’lovga qobilligini moliyaviy koeffitsientlar asosida baholash tizimining takomillashganligi.
7. Tavakkalchilikni boshqarishda asosiy vazifa – amaldagi bozor kon’yunkturasiga mos darajada risklarni minimallashtirish, kreditlash xizmatlari bozorida bank o’rnini minimum saqlab qolishdir.
8. Investitsiya loyihalarini ishlab chiqish va amalga oshirishdagi tavakkalchi-liklarni boshqarishning turli xil usullari mavjud. Biroq ularning barchasi samarali amalga oshirilganda ham investitsiya loyihasini amalga oshirish jarayoni ustidan olib boriladigan monitoring ishlarining o’rni va ahamiyatini ham e’tiborga olish lozimki, sifatli va maqsadli olib boriladigan monitoring natijalari loyihadagi ko’pgina muammolarni bartaraf etishga katta ta’sir ko’rsatadi.
Xulosa qilib aytganda, investitsiya faoliyatini amalga oshirish o’ziga xos bilim va malakani talab etar ekan, o’z navbatida, investitsiya loyihasiga doir tavakkalchiliklardan va ularga tegishli barcha ma’lumotlardan xabardor bo’lish loyihaning muvaffaqiyatiga ijobiy ta’sir etadi. Bu kabi ma’lumotlarga ega bo’lmas-lik esa turli salbiy oqibatlarga, hatto loyihani barbod bo’lishiga olib kelishi mum-kin. Investitsion loyihalardagi risklarning mazmun va mohiyati, uning turlarini bilgan holda, undan kutiladigan yo’qotishlarni kamaytrish chora-tadbirlarini qo’l-lash va shu yo’l bilan tavakkalchilikning loyiha samaradorligiga ko’rsatadigan salbiy ta’sirini kamaytirish mumkin.
Do'stlaringiz bilan baham: |
