O‘zbekiston respublikasi oliy va o‘rta maxsus ta’lim vazirligi qarshi davlat universiteti magistratura bo‘limi

Tadqiqot ob’ekti va predmeti. Tadqiqot ishining tekshiruv qismi Qashqadaryo viloyati Qarshi shahridagi 29- va 34-o‘rta maktabning turli yoshdagi o‘quvchilarida olib borildi. Kuzatuvlarda 11, 16 va 18 yoshli 246 nafar o‘quvchilar (149 nafar o‘g‘il va 97 nafar qiz bola) ishtirok etishdi.
Ishda maktab o‘quvchilari organizmining morfologik va funksional xususiyatlari jismoniy rivojlanish va funksional imkoniyat ko‘rsatkichlarini baholash asosida o‘rganildi.
Tadqiqot maqsadi va vazifalari. Tadqiqot maqsadi - shahar sharoitida istiqomat qiladigan maktab o‘quvchilarining jismoniy rivojlanish darajasini somatometrik va fiziometrik ko‘rsatkichlar asosida o‘rganish va fiziologik tahlil qilish.
Tadqiqotning oldiga quyidagi vazufalar qo’yilgan.

• 
  maktab o‘quvchilarining jismoniy rivojlanish darajasini o‘rganishga qaratilgan materiallarni to‘plash, tegishli adabiyotlarni tahlil qilish;
  
• 
  shahar maktabi o‘quvchilarida somatometrik va fiziometrik tekshirishlarni amalga oshirish;
  
• 
  tekshiruv natijalarini meyor ko‘rsatkichlari bilan solishtirish hamda fiziologik tahlil qilish;
  
• 
  olingan natijalar asosida tegishli tavsiyalar ishlab chiqish.
  

Ilmiy yangiligi: Qashqadaryo viloyati Qarshi shahridagi maktablarda tahsil olayotgan o‘quvchilar organizmning jismoniy rivojlanishi somatometrik hamda fiziometrik ko‘rsatkichlar asosida o‘rganildi. Olingan natijalar asosida tekshiriluvchilarning o‘sish va rivojlanish darajasi fiziologik nuqai-nazardan tavsiflab berildi.
Tadqiqotning asosiy masalalari va farazlari.
Tadqiqotning asosiy masalasi shahar maktabi o‘quvchilarining somatometrik va fiziometrik ko‘rsatkichlarini o‘rganish, tahlil qilish va baholash hisoblanadi.
Tadqiqotning farazlari sifatida jismoniy rivojlanish ko‘rsatkichlarining meyor darajasiga muvofiq kelmasligi, o‘quvchilarda ayrim jismoniy rivojlanish ko‘rsatkichlarining tegishli darajadan orqada qolayotganligi e’tirof etiladi.