Qarz majburiyatlari bo‘yicha xarajatlarni moliyalashtirishni tugatish
Tashkilotlar kvalifikatsiyalangan aktivni belgilangan maqsadlarda foydalanish yoki sotishga tayyorlash uchun muhim ishlarning barchasi yakunlangandan so‘ng qarz majburiyatlari bo‘yicha xarajatlarni kapitalizatsiyalashni tugatadi.
Kunlik ma’muriy ishlar davom etayotgan bo‘lib, aktivni yaratish tugatilgan bo‘lsa, obyekt belgilangan maqsadda ishlatishga yoki sotishga tayyor deb hisoblanadi.
Agarda kvalifikatsiyalangan aktivni qurish qismlar bo‘yicha tugatilganda va har bir qismni qurilish davomida ishlatish mumkin bo‘lsa, tashkilotlar aktivning ushbu qismini belgilangan maqsadda ishlatishga yoki sotishga tayyorlash uchun zarur bo‘lgan barcha ishlarni tugatganda, qarzlar bo‘yicha xarajatlarni kapitalizatsiya qilishni tugatishi shart (masalan, har biri alohida ishlatishga yaroqli bo‘lgan bir necha binolardan iborat bo‘lgan biznes-markaz kvalifikatsiyalangan aktiv hisoblanadi va undagi har bir qism boshqa qismlarni qurish hali davom etayotgan paytda ishlatilishi mumkin bo‘ladi).
Tashkiliy qismlaridan har biri alohida ishlatilishi mumkin bo‘lishidan oldin to‘liq tugatilishi lozim bo‘lgan kvalifikatsiyalangan aktivga shifoxona binosi misol bo‘ladi, ya’ni shifoxona binosining operatsion bo‘limi qurilish to‘liq tugatilgunga qadar ishlatib bo‘lmaydi. «Qarz majburiyatlari bo‘yicha xarajatlar» davlat ro‘yxatidan o‘tkazildi
O‘zbekiston Respublikasi byudjet hisobining standarti «Qarz majburiyatlari bo‘yicha xarajatlar» Adliya vazirligida davlat ro‘yxatidan o‘tkazildi.
Кириллчада10 aprel 2019, 11:43 Iqtisodiyot
O‘zbekiston Respublikasi byudjet hisobining standarti (11-sonli BHS) «Qarz majburiyatlari bo‘yicha xarajatlar» 2019 yil 9 aprel kuni Adliya vazirligida davlat ro‘yxatidan o‘tkazildi. Bu haqda vazirlikning telegramdagi «Huquqiy axborot» kanali orqali xabar berildi.
Mazkur hujjat byudjet tashkilotlari, davlat maqsadli va boshqa byudjetdan tashqari jamg‘armalarning qarz majburiyatlari bo‘yicha harajatlarini yuritish tartibini belgilaydi.
Qarz majburiyati bo‘yicha xarajatlarga quyidagilar kiradi:
qisqa va uzoq muddatli qarzlar bo‘yicha majburiyatlar;
byudjet ssudalari va boshqa qarzlar bilan bog‘liq foiz va penyalar;
moliyaviy ijara bilan bog‘liq to‘lovlar;
xorijiy valyutadagi qarzlar bo‘yicha xorijiy valyutalar o‘rtasidagi tafovutlar bilan bog‘liq to‘lovlar.Shuningdek, mazkur hujjatda qarz majburiyatlari bo‘yicha xarajatlarni hisobga olish, kapitalizatsiyalashtirish va uni to‘xtatish tartiblari belgilangan.