O`zbekiston respublikasi oliy va o`rta maxsus ta'lim vazirligi qarshi davlat universiteti

Tadqiqot predmeti. Tadqiqot uchun hozirgi adabiy jarayonda ijod qilayotgan shoiralarimizdan H.Ahmedova, F.Afro’z, Z.Mirzo she’rlari o’rin oldi. Jumladan, H.Ahmedovaning “Erk darichasi”, “Yashil”, “Tashbeh”, F.Afro’zning “Tunlar isyoni”, “O’zimdan o’zimgacha”, “Ko’zim manim…”,”Kuzdan arazladim” va Z.Mirzoning “Ajr”,“Nur kukunlari“, ”Ishq” kitoblaridagi she’rlari tadqiqotimizning asosiy matni bo’lib xizmat qiladi. Shuningdek, shoiralar faoliyatiga bag’ishlangan maqolalarga ham murojaat qilindi.
Tadqiqot obyekti. H.Ahmedova, F.Afro’z, Z.Mirzo she’riyatida qo’llanilgan poetik tasvir va ifoda vositasi bo’lmish metaforalar tadqiqot ishining obyektini tashkil etadi.
Tadqiqot mavzusi bo’yicha adabiyotlar sharhi(tahlili). Dissertatsiyda jahon va o’zbek adabiyotshunosligida, xususan, she’riyatida metafora nazariyasi, taraqqiyoti va uning poetik ko’chimlar qatoridagi hamda badiiy obraz yaratishdagi o’ziga xosligi haqidagi ilmiy tadqiqotlar, dissertatsiyalar va maqolalar atroflicha o’rganib chiqildi.Shuningdek, shoiralarimiz ijodi shakllanishi va taraqqiyotida metaforalarning ahamiyatiga munosabat bildirildi.
Tadqiqotning maqsadi. O‘zbek shoirlari ijodida o‘ziga xos adabiy-estetik tamoyillarini kuzatish , uslubiy o‘ziga xoslik, ular ijodidagi metaforalardan foydalanish mahorati, badiiy tafakkur tadriji, timsol va ramzlar olamining o‘zgarishi, inson, hayot, jamiyat va borliqqa nisbatan qarashlari masalalarini yoritish ushbu tadqiqotning oldiga qo’yilgan asosiy maqsadi hisoblanadi.
Tadqiqotning vazifalari. Barcha uslubiy yo‘nalishlarda yaratilgan she’riyat namunalari ijodkor mahoratini ifodalovchi muhim ko‘rsatkich ekanligi; har birida voqelik va ruhiy olamni poetik tadqiq etishdagi umumiy va farqli jihatlarning tahlil qilish; poetik timsollarga, so‘z va obraz munosabatining o‘ziga xos jihatlariga oydinlik kiritish. Shoiralar ijodida poetik tasvir, hayotiy tafsilot, metaforik obraz yaratish masalasiga alohida e’tibor qaratish.
Tadqiqotning usullari. Tadqiqotda qiyosiy-tipologik, lingvopoetik tadqiqot usullaridan foydalanildi.