O‘zbekiston respublikasi oliy va o‘rta maxsus ta’lim vazirligi qarshi davlat universiteti

Tabiiy jarayonlar va shaharsozlik muammolari. 
Yangi 
qurilish uchun joy tanlash va mavjud qurilish ob ‘yektlarini 
kengaytirish va ta’mirlash uchun tuziladigan loyihalar kompleks 
tabiiy va iqtisodiy tadqiqotlar tarkibida dastavval relyefni 
baholashni taqoza etadi. Shaharlar qurilishini rejalashtirishda 
sanoat va qishloq xo‘jalik tumanlarini, sanatoriya – kurort 
tumanlarini va ommaviy hordiq chiqarish mintaqasini ajratish 
lozim. 
Relyef – rejalashtirish vazifalarini turli xo‘jalik 
ob’yektlarini joylashtirish tizimlarini tanlash, vertikal rejalash-
tirish bo‘yicha bajariladigan ishlarning hajmi, poydevorlarini 
quyish sharoitlari, hududning chidamligi kabi rejalashtirish 
vazifalarini yechimiga ta’sir ko‘rsatuvchi tabiiy omillar jumlasiga 
kiradi. 
Shaharni umumiy planirovkasida relyef ko‘chalar va 
dahalarni loyihalashtirishda, ko‘p qavatli binolarni joylashtirishda, 
binolarning baland – past bo‘lishida e’tiborga olinadi. 
Hozirgi paytda shaharsozlikda landshaft me’morchiligi 
muhim ahamiyatga ega. Shahar qurilishini loyihalashtirishda 
mavjud landshaft sharoitini saqlab qolishga e’tibor qaratiladi va 
imkoni boricha tabiiy landshaft elementlarini saqlab qolishga 
harakat qilinadi.