O‘zbekiston respublikasi oliy va o‘rta maxsus ta’lim vazirligi o‘zbekiston davlat jahon tillari universiteti

PEDAGOGIKANING TARMOQLARI

Pedagogika fanlar tizimiga etnopedagogika, maktabgacha ta’lim pedagogikasi, maktab pedagogikasi, axloq tuzatish va mehnat pedagogikasi, jismoniy kamolot pedagogikasi, harbiy pedagogika, maxsus pedagogika, kar-soqov (surdo) pedagogika, ko‘rlar (tiflo) pedagogika, aqliy jihatdan orqada qolgan (oligofreno) pedagogika, pedagogik mahorat kabilar kiradi.

Pedagogika pedagogik ta’limotlar tarixi va tarbiyaning rivojlanish masalalarini ijtimoiy hodisa sifatida tadqiq etadigan fan sifatida bugungi kun uchun dolzarb muammolarni o‘rtaga tashlaydi va pedagogika fanlar tizimida tarbiyalanuvchilarning yoshidagi shakllantirishga qaratilgan quyidagi tarmoqlarni o‘zida birlashtiradi: maktabgacha ta’lim pedagogikasi, maktab pedagogikasi, kasb-hunar ta’limi pedagogikasi, oliy ta’lim pedagogikasi, ishlab chiqarish pedagogikasi, oila pedagogikasi, katta yoshlilar pedagogikasi, tibbiyot pedagogikasi, harbiy pedagogika, iqtisodiy pedagogika, sport pedagogikasi, zamonaviy pedagogik texnologiyalar va boshqa tarmoqlarda.

Bundan tashqari defektologiya deb ataluvchi maxsus pedagogika: surdopedagogika (kar va soqovlar), tiflopedagogika (ko‘zi ojizlar), oligofrenopedagogika (aqliy rivojlanishdan orqada qolganlar), logopediya (nutqi rivojlanmagan) tarbiyalanuvchilarni o‘qitish va tarbiyalash bilan shug‘ullanadi. Pedagogika fanlari tizimining muhim tarmog‘i sifatida har bir fanni o‘qitish va o‘rgatishning qonuniyatlarini o‘rganuvchi metodika qismi alohida o‘rin egallaydi.