O’zbekiston respublikasi oliy va o’rta maxsus ta’lim vazirligi o’zbekiston xalqaro islom akademiyasi

Malumotlarni guruhlash, tartiblash, saralash va filtrlash
Elektron jadvallarda ma’lumotlarni guruhlash va filtrlash kabi qulayliklar mavjud. Excel elektron jadvalida ma’lumotlarni alfavit tartibida, sonli miqdorlarni o‘sish va kamayish tartibi bo‘yicha hamda maxsus shart bo‘yicha saralash mumkin.

Berilgan jadval elementlarini saralashni misollarda ko‘rib chiqamiz:

30-rasm. Jadval elementlarini saralash.

Jadval boshlang‘ich holatida rasmdagicha bo‘lsin. Jadvalga e’tibor bering. Tuman, shaharlar nomi alfavit tartibida joylashmagan.

Shahar va tumanlarni nomini alfavit tartibida joylashtirish talab etilgan deylik.

Kursorni ro‘yxatni birinchi elementi joylashgan B4 katagiga o‘rnatib, piktogrammasini bosamiz. Natijada keyingi rasmdagi kabi tuman, shaharlar nomi alfavit bo‘yicha tartiblangan jadval hosil bo‘ladi.

Agar tartiblangan jadvalni o‘z holiga qaytarish zarurati bo‘lsa, piktogrammasini bosamiz. Jadval tartiblanmagan holatiga qaytadi.

Hosil bo‘lgan jadvalda B ustun bo‘yicha tartiblash amalga oshirildi. O'z navbatida boshqa qatorlardagi qiymatlar ham joylarini almashtirdi. Buni oldingi jadvalga qarab yoki shu jadvaldagi boshqa ustunlar qiymatidan solishtirib ko‘rish mumkin.

Bu jadvalda yuqoridagi kabi I ustun bo‘yicha qiymatlarning kamayishi bo‘yicha tartiblangan. Tartiblash oldingi misoldagidek piktogrammasini bosish orqali bajarilgan.

Agar, piktogrammasi bosilsa, tartiblash o‘sish bo‘yicha bajariladi. Bu holda ham mos ustunlarning qiymatlari o‘z joylarini almashtiradi.

Ma’lumotlarni filtrlash

Elektron jadvallarda ma’lum belgilar, qiymatlar yoki shartlarga mos qiymatlarni saralash imkoniyati mavjud.

3-qatorni belgilab, asosiy menyudagi «Dannыe», «Filtr», «Avtofiltr» ketma-ketligini bajarganimizdan keyin rasmdagi kabi (3-qatorga qarang) belgilar paydo bo‘ladi. Bu belgilar yordamida bizga kerakli qiymatli qatorlarni saralaymiz. Saralash shartlari murakkab bo‘lishi ham mumkin.

Oddiy holdagi saralashni ko‘ramiz. Faraz qilaylik yuqoridagi jadvaldan 6 ta IBM kompyuteri bo‘lgan tumanlar tanlash masalasi qo‘yilgan bo‘lsin. IBM sarlavhali ustundagi piktogrammasi bosilsa, ro‘yxat ochiladi. Ro‘yxatdan 6 raqamini tanlaymiz. Natijada shu ustunning faqat 6 qiymatga ega bo‘lgan qatorlari tanlanadi.

31-rasm.Oddiy holdagi saralash

Natija quyidagi ko‘rinishda bo‘ladi. D ustunida faqat biz tanlagan qiymatlar qoldiriladi. Saralashni boshqa ustunlar bo‘yicha ham shu kabi davom ettirish mumkin.

32-rasm. Saralangan gurux ko’rinishi.