O’zbekiston respublikasi oliy va o’rta maxsus ta’lim vazirligi o’zbekiston xalqaro islom akademiyasi

Kompyuter grafikasi turlari va ko‘rinishlari

Bugungi kunda kompyuter grafikasining quyidagi turlarini ajratib ko‘rsatish mumkin:

• 
  tijoratga oid;
  
• 
  namoyishlarga oid;
  
• 
  muhandislikka oid;
  
• 
  ilmiy-tadqiqotga oid;
  
• 
  ko‘rgazmaviy;
  
• 
  animatsiyali.
  

Tijoratga oid grafika-elektron jadvallarda yoki berilganlar bazasidagi axborotlarni aks ettirish uchun xizmat qiladi. Bu axborotlar EHMlar ekranida grafik shaklida, gistogramma, diagramma va hohlagan boshqa shakllarda aks ettirilishi mumkin, kerakli grafiklar matn izohlari va ma’lum joylarda belgili izohlar bilan ta’minlanadi.

Tijorat grafikasiga tegishli bo‘lgan amaliy dasturlar paketi tasvirni ekranda tezda va kerakli servislar bilan ifodalashga moslashtirilgan, chunki tijoratchining asosiy maqsadi axborotlarni qayta ishlash jarayonidagi o‘zgarishlarni tezda muhokama qilib, tegishli o‘zgartirishlar kiritishdan iborat.

Tasvirning yaqqolligini yanada oshirish uchun ushbu paketlarga tasvirni ekranda bir necha xil grafiklar shaklida tasvirlash imkoniyati kiritilgan. Bu esa o‘z navbatida tasvirlarni ekranda birgalikda ko‘rib, mulohazalash imkoniyatini oshiradi.

Bu paketlarning eng ahamiyatli tomoni shundaki, ular tasvirlarni turli xil shaklda berishdan tashqari aks ettirilgan grafikalarni tahlil qilish imkoniyatini ham beradi. SHu sababli bu paketlarga turli xil matematik tahlil usullari, shu jumladan statistik tahlil, extimollar nazariyasi, iqtisodiy jarayonlar bashorati kabi usullar kiritilganki, ular berilgan axborotlar to‘plamini tahlil qilish imkonini beradi.