O‘zbekiston respublikasi oliy va o‘rta maxsus ta’lim vazirligi oydin abdullayeva

Trio (it. “Trio” - uch) – 1. Uch ijrochidan tuzilgan ansambl. 2. Uch ijrochiga 
mo‘ljallab  yaratilgan  musiqa  asari. Cholg‘u  ansambli  musiqasida  fortepiano triosi 
keng tarqalgan; uning tarkibiga skripka, violonchel va fortepiano kiradi.  
Ansambl (fr. “Ensemble” - birgalikda) – 1. Vokal yoki cholg‘u musiqa asarini 
bir  necha  ijrochi  tomonidan  iero  etilishi.  2.  Bir  guruh  san’atkorlarning  bir  butun 
badiiy jamoa sifatida chiqishi.  
Xor  (yunoncha  “Choros”)  –  Vokal,  xor  musiqasini  ijro  etadigan  jamoa. 
Xorning  turlari:  erkaklar  xori,  ayollar  xori,  bolalar  xori,  aralash  xor.  Odatda, 
aralash xor to‘rtta xor partiyasi – soprano, alt, tenor, baslardan tuziladi.  

---

81 
 
Orkestr  (yunoncha  “Orchestra”  –  qadimgi  yunon  teatri  sahnasi  oldidagi 
maydoncha)  – turli  cholg‘ularda chaluvchi  sozandalardan  tuzilgan  jamoa.  Orkestr 
cholg‘u  guruhlari  va  tuzilishlariga  ko‘ra  turlicha  bo‘ladi.  Chunonchi,  simfonik 
orkestr, damli orkestr, torli orkestr, xalq cholg‘ulari orkestri va b. Simfonik orkestr 
tarkibiga  torli,  yog‘och-damli,  mis-damli,  urma-zarbli  cholg‘ular  guruhi  kiradi. 
Damli  orkestrga  mis-damli,  yog‘och-damli  hamda  urma-zarbli  cholg‘ular  guruhi 
kiradi.  
Soprano  (it.  “Sopra”  -  yuqorida)  –  Ayollarning  yuqori  ovozi;  ovoz  hajmi 
birinchi  oktavadani  do  tovushidan  uchinchi  oktavadagi  do  tovushiga  qadar. 
Soprano ovozi tembriga ko‘ra koloraturali, lirik va dramatik turlarga bo‘linadi. 
Metstso-soprano  (it.  “Mezzo”  -  o‘rtadagi)  soprano  va  kontralto  oralig‘idagi 
o‘rta  registrni  ifodalovchi  ayollar  ovozi.  Ovoz  hajmi  kichik  oktavadagi  lya 
tovushidan  ikkinchi  oktavadagi  lya  tovushiga  qadar.  Notalar  skripka  kalitida 
yoziladi.