O‘zbekiston respublikasi oliy va o‘rta maxsus ta’lim vazirligi oydin abdullayeva

Impressionizm  davri  ijodkorlari  nozik  tabiat,  shu  bilan  birga,  ifoda 
vositalariga ko‘ra aniq, hissiy vazmin, tafovutsiz, qat’iy uslubga asoslangan san’at 
asarlarini  yaratganlar.  Bunda  musiqiy  janrlarning  talqini  kuchli  o‘zgarishga  yuz 
tutdi.  Simfonik  hamda  fortepiano  musiqa  sohasida,  birinchi  navbatda,  dasturiy 
miniatyuralar,  turkumli  syuitalar  yaratilib,  unda  janrlar  rang-barangligi  va 
manzaraviy xususiyat o‘z ifodasini topadi. 
Musiqiy  mavzular  garmonik  va  tembr  jihatidan  boyidi.  Impressionizm  davri 
musiqasi  tovushning  bo‘yog‘i  va  yangrashi  bilan  xarakterlanadi.  Bu  davrda 
musiqaga  frantsuz  musiqiy  folklori,    rus  musiqasi,  grigorian  xorali,  Sharq 
mamlakatlari  musiqasiga  xos  ilk  Tug‘ilish  davrining  cherkov  polifoniyasi  kabi 
ko‘plab  tashqi  omillar  ta’sir  ko‘rsatdi.  Bunday  ta’sir  esa,  tabiiy  va  sun‘iy  ladlar, 
modal  garmoniya  elementlari,  “noodatiy”  parallel  akkordlarning  ishlatilishida 
kuzatildi.  
Impressionizm  davridagi  cholg‘ulashtirish  masalasiga  kelsak,    unda  klassik 
orkestrning  hajmi  kichiklashganini,  cholg‘ular  tarkibining  shaffofligi  va  tembr 
jihatdan  tafovutkor  ekanligini,  cholg‘ularning  muayyan  guruhlarga  bo‘linishini, 
musiqiy  matoning  batafsil  ishlanishi,  sof  tembrlarning  ham  yakkaxon  cholg‘u 
sifatida,  ham  yaxlit  turdosh  guruh  sifatida  faol  ishlatilishini  kuzatish  mumkin. 
Kamer  musiqa  sohasida  E.Sati  va  K.Debyussi  tomonidan  ko‘p  ishlatilgan 
cholg‘ular  birligi  arfa  va  fleytadan  iborat.  Bunday  cholg‘u  birligi,  o‘z  o‘rnida, 
impressionizmning o‘ziga xos ramzi bo‘lib qoldi.  

---

16 
 
Frantsiyada  yashab  ijod  etgan  eng  taniqli  musiqiy  impressionistlar  –  Klod 
Debyussi,  Erik  Sati,  Moris  Ravel.  Bu  yo‘nalish  tez  orada  dunyo  bo‘ylab  keng 
tarqaldi va butun jahonda o‘zining izdoshlariga ega bo‘ldi. Rossiyada I.Stravinskiy 
(ijodining ilk davrida), A.Skryabin, N.Cherepnin va boshqalar impressionizmning 
yorqin namoyandalari hisoblanadi.