O‘zbekiston respublikasi oliy va o‘rta maxsus ta’lim vazirligi oydin abdullayeva

partituraning takomillashuvi 
 
Barokko,  klassitsizm  davri  simfonik  orkestrlari  zamonaviy  simfonik  orkestr 
jamoalaridan  farq  qilgan,  albatta.  Cholg‘ularning  takomillashuvi  natijasida  ijro 
imkoniyatlarining  rivojlanishi  simfonik  orkestr  cholg‘u  tarkibining  o‘sishiga  olib 
kelgan. 
Barokko  davrida  organ  cholg‘usi  dunyoviy  musiqaga  oid  eng  muhim 
cholg‘ulardan  biri  bo‘lgan.  Shuningdek,  klavesin,  tirnama  va  kamonli  (viola, 
barokko  davriga  oid  gitara,  skripka,  violonchel,  kontrabas),  shu  bilan 
birga, 
yog‘och  damli  cholg‘ular  bo‘lmish  fleyta,  goboy,  klarnet,  fagot  kabi
  cholg‘ular 
ham  keng  tarqalgan.  Shu  davrgacha  amaliyotda  keng  qo‘llanilgan  lyutnya  sozi 
barokko  davrida  jo‘rnavozlik  vazifasinigina  bajarib,  keyinchalik  uning  o‘rnini 
klavishli  cholg‘ular  egalladi.  Lira  cholg‘usi  esa  barokko  davrida  o‘zining  yangi 
hayotini  boshladi  va  XVIII  asrning  oxiriga  qadar  frantsuz  zodagonlarining 
ko‘ngilochar cholg‘usiga aylandi.