O‘zbekiston respublikasi oliy va o‘rta maxsus ta’lim vazirligi oydin abdullayeva

2-DARS: TORLI-KAMONLI CHOLG‘ULAR 
 
Torli-kamonli  cholg‘ular  simfonik  orkestrning  asosi  hisoblanadi.  Uning 
asosiy  xususiyatlari  –  umumiy  orkestr  ovoz  hajmining  kengligi,  cholg‘uchilar 
sonining ko‘pligi, Divisi, ya’ni ovozlarning bo‘linish imkoniyati mavjudligidadir.  
Skripka    (it.  Violini,  Violini)  torli  cholg‘ular  orasida  texnik 
imkoniyatlarining  ko‘pligi  bilan  ajralib  turadi.  Tessitura  jihatidan  eng  yuqorida 
joylashadi.  Ochiq  torlari:  kichik  oktavada  “sol”,  1-oktavada  “re,  lya”,  2-oktavada 
“mi”. Kvinta intervali ketma-ketligida sozlanadi.  
Skripkaning  ovoz  hajmi  kichik  oktava  “sol”  tovushidan  4-oktavadagi  “sol” 
tovushiga  qadar davom etadi.  
Alt (it. Viola, Viole) cholg‘usi orkestr diapazonining o‘rta qismini egallaydi. 
Uning  ochiq  torlari:  kichik  oktava  “do,  sol”,  1-oktava  “re,  lya”.  Kvinta  intervali 
ketma-ketligida  sozlanadi.  Altning  ovoz  hajmi  kichik  oktava  “do”  tovushidan  3-
oktavadagi “do” tovushiga qadar davom etadi.  
Violonchel    (it.  Violincello,  Violincelli,  cello,  celli)  cholg‘usi  orkestr 
diapazonining quyi va o‘rta qismlarini egallaydi. Uning ochiq torlari katta oktava 
“do, sol”, kichik oktava “re, lya”. Torlar kvinta intervali ketma-ketligida sozlanadi. 
Violonchelning  ovoz  hajmi  katta  oktava  “do”  tovushidan  2-oktava  “lya” 
tovushigacha bo‘lgan oraliqni egallaydi. 
Kontrabas  (it.  Contrabasso,  Contrabassi,  Basso,  Bassi)  cholg‘usi  orkestr 
diapazonining  eng  quyi  qatlamini  ifodalaydi.  Uning  ochiq  torlari  kvarta  intervali 
ketma-ketligida  sozlanadi.  Yozilishiga  ko‘ra,  “mi”  (katta  oktava),  “lya”  (katta 
oktava),  “re”  (kichik  oktava),  “sol”  (kichik  oktava).  Kontrabas  notada  yozilishiga 
nisbatan bir oktava pastda yangraydi. 
 
Torli-kamonli  cholg‘ular  simfonik  orkestrda  5  ta  qismga  bo‘linadi  va  torli 
kvintet  ansamblini  tashkil  etadi.  Bular,  Violini  I,  Violini  II,  Viole,  Violoncelli, 
Contrabassi. Ushba guruh partituralarda Archi (kamonlilar) deb ham yuritiladi. 
 

---

18