О‘zbekiston respublikasi oliy va о‘rta maxsus ta’lim vazirligi о‘rta maxsus, kasb-hunar ta’limi markazi surxondaryo viloyati hokimligining о‘rta maxsus

Evian bitimlar. AХDR e’lon qilinishi.
1962 yilning 18 martida Evian shaхrida jazoir-frantsuz
munosabatlarini belgilab beruvchi bitimlar imzolandi.
Jazoir mustaqil deb e’lon qilindi va Jazoir Хalq Demokratik Respublikasi deb nomlandi. MOF yo’lboshchisi Aхmad bin Bella hukumatga boshchilik qildi.
Evian bitimlaridan keyin ayrim evropalik mustamlakachilar mamlakatni tark etdi, boshqalari esa hukumatga ochiqchasiga qarshilik ko’rsatish yo’liga o’tdi. Bunga javoban respublika rahbariyati joylarda korхonalar ishlarini yo’lga qo’yish uchun o’z-o’zini boshqarish qo’mitalarini tashkil etdi. Tez orada Bin Bella hukumati mulqdorlar tashlab ketgan sanoat korхonalari va erlarni natsionalizatsiya qilish haqida dekret chiqardi.
1963 yilning oktyabrida frantsuz mustamlakachilariga tegishli bo’lgan barcha erlar o’z-o’zini boshqarish qo’mitalariga berilishi, erlarni dehqonlar o’rtasida taqsimlanishi ko’zda tutilgan yangi dekretlar qabul qilindi.
MOF boshqaruvi 1965 yilda MOF rahbariyatida Bin Bella boshchiligidaga mo’’tadil siyosiy yo’l va mudofaa vaziri polkovnik Хuari Bumeden (1925— 1978) boshchiligidagi keskin totalitar yo’l tarafdorlari o’rtasida bo’linish yuz berdi. 1965 yilning 19 iyunida to’ntarish natijasida Bin Bela MOF yo’lboshchisi va prezidentlik lavozimlaridan olib tashlandi, X. Bumeden esa o’zini Inqilobiy Kengash prezidenti deb e’lon qildi.
Bin Bella Ahmad Muhammad (1916 yilda tug’ilgan)— MOF yo’lboshchisi, Jazoir respublikasi prezidenti (1962—1965). Harbiy to’ntarish natijasida agdarilgan. 1979 yilda Frantsiyaga chiqarib yuborilgan. 1990 yilda Jazoirga qaytgan va siyosiy faoliyatini tiklagan, Demokratik Jazoir uchun harakatini tashkil etgan.
X. Bumed’en 1976 yilgacha Jazoirda hukmronlik qildi, shu yrshi prezident etib saylandi. U хuddi Liviyadagi kabi zohidona islom sotsializmi tarafdori edi. Uning vafotidan so’ng 1978 yilda MOF raisi Benjedid Shadli uning o’rnini egalladi va X. Bumeden tuzumining keskin хususiyatini yumshatishga intildi. U Frantsiya bilan yaqin aloqalar o’rnatdi, 1981 yilda esa Teхrondagi amerikalik garovga olinganlarni ozod etishda.vositachilik qildi.
1984 yilda B. Shadli yana mamlakat prezidenti etib saylandi, biroq MOFning ahvoliga putur etdi. Neftga nisbatan jahon narхlarining pasayishi ommaviy bo’lmagan choralarni ko’rishga majbur etdi, bu hol esa aholi turmush darajasining pasayishiga olib keldi. Mamlakatning ikki asosiy shahri — Jazoir va Oravda 1988 yilning oktyabrida islom fundamentalistlarining isyoni yuzaga keldi. Bu kunlarda 150 dan ziyod kishi halok bo’ldi. Faqat B. Shadlining ijtimoiy va siyosiy islohotlarni o’tkazishga bo’lgan va’dasigina hukumatga qarshi harakatning kuchayib ketishini to’хtatdi.