O‘zbekiston respublikasi oliy va o‘rta maxsus ta’lim vazirligi o‘rta maxsus, kasb-hunar ta’limi markazi

5. Mashg‘ulotda qo‘llaniladigan pedagogik texnologiyalar. 
Mashg‘ulot 
rahbariga 
tavsiyalar: 
Haqiqiy 
innovatsion 
pedagogik 
texnologiyalarda o‘quv maqsadlari bo‘lajak kasbiy faoliyatga qaratilgan bo‘ladi. 
Bunday texnologiyalardan biri “keys-stadi”dir. 
Mazkur texnologiyaning mazmun-mohiyati shundaki, uning asosini aniq vaziyat 
yoki hodisa tashkil etadi (“case” — hodisa). Shuning uchun, 
birinchidan, 
tahpil 
etilayotgan hodisada real hayotiy vaziyat aks etishi kerak, 
ikkinchidan, 
bu 
vaziyatda hali oxirigacha hal qilinmagan, yashirin muammo yoki bir nechta 
muammolar bo‘lishi zarur. 
Keys bilan ishlash jarayonida darsda berilgan ma’lumotlardan tashqari 
qo‘shimcha axborotlar ham talab etiladi. Bu axborotlar bilan ishlash jarayonida 
o‘quvchilar mustaqil ravishda xulosa chiqaradi, muammoli vaziyatni hal etish 
bo‘yicha o‘z takliflarini beradi. 
Keys texnologiyasi interfaol texnologiyalar sirasiga kiradi. Chunki u o‘qituvchi 
va o‘quvchi o‘rtasidagi “subyekt — subyekt” munosabatlari orqali amalga oshiriladi. 
76- rasm. O‘qdonni patron bilan odatiy 
usulda to‘ldirish 
77- rasm. O‘qdonni oboymadagi patron 
bilan to‘ldirish 

---

62 
Ya’ni o‘quvchi ta’lim olishning faol subyektiga aylanadi, unda jamoa bilan 
hamkorlikda ishlash, o‘z fikrini bildirish va himoya qilish ko‘nikmalari shakllanadi. 
Eng muhimi, keys texnologiyasi o‘quv fazosidan tashqariga qaratilgan bo‘lib, 
o‘quvchilarni o‘zlari egallayotgan kasb bilan bog‘liq muammolarni hal etishga 
yo‘naltiradi, kasbiy motivatsiyani shakllantiradi. 
O‘qituvchi uchun keys texnologiyasini qo‘llash bir qancha qiyinchiliklarni 
tug‘dirishi mumkin. Eng avvalo, bu texnologiya o‘qituvchidan tanqidiy tafakkur va 
ijodiy faoliyatni, qolaversa, keyslarni ishlab chiqish ko‘nikmasini rivojlantirish uchun 
o‘z ustida doimiy ishlash, fan bo‘yicha yangi axborotlarni to‘plash, chet el 
tajribalarini o‘rganishni talab etadi. 
“Keys-stadi” texnologiyasidan ta’lim natijalarini nazorat qilish va tekshirishda 
ham foydalanish mumkin. Har bir o‘quvchiga imtihondan oldin individual keys 
beriladi. O‘quvchilar keysdagi topshiriqlarni bajarib, hisobot shaklida o‘qituvchiga 
topshiradilar. 
Darsga tayyorlanish jarayonida o‘qituvchi o‘quv maqsadlarini hisobga olgan 
holda har xil turdagi keyslarni ishlab chiqishi lozim. 
Keys asosidagi o‘quv mashg‘ulotlarida o‘quvchilar faoliyatini turli shakllarda 
tashkil qilish imkoniyati mavjud. Masalan, taklif etilayotgan vaziyat sahnalashtirilishi 
hamda “Aqliy hujum”, bahs-munozara, ilmiy bahslashuv metodlari orqali muhokama 
qilinishi mumkin. 
Keyslarning bir nechta turi mavjud.