Ohorlash va emulsiyalash jarayonida iplarning fizik- mexanik
xususiyatlarining o‘zgarishi
Ohorlash va emulsiyalash jarayonida iplar ohor bilan qoplanib,
uning bir qismi iplarning ichiga singib ketadi va alohida tola va
elementar iplarni bir-biriga yopishtiradi. Ohorlash jarayonida
iplar ko‘pgina fizik-mexanik jarayonlar ta’sirida bo‘ladi: ohorni
shimadi, siquvchi vallardan o‘tadi, yuqori harorat ostida quritiladi,
nax maydonida yopishgan iplar ajratiladi. Bu jarayonlar tanda
g‘altagidan ip to‘quv g‘altagiga o‘ralguncha taranglik ostida kechadi
va natijada iplar cho‘ziladi.
Iplarga bunday ishlov berish ularning fizik-mexanik xususiyat-
lariga ta’sir etadi. Ishqalanishga chidamlilik ipning ustidagi
qatlam hisobidan 5–10 barobar, uzilish kuchi 15–25 % ortadi va
uzilishdagi cho‘zilish 14–28 % ga kamayadi.
Ohorlash hisobidan ipning massasi ortishi natijasida uning
chiziqli zichligi birmuncha ortadi.
Shunday qilib, ohorlangan ip va xom iplarning cho‘zilish
paytidagi pishiqligi, ishqalanishga chidamliligi va bikrligi ortadi,
ular ixchamlashib, og‘irlashadi.
Iplarning mexanik xususiyatlarining o‘zgarish chegaralari ip va
ohorning xususiyatlari, ohorlash jarayoni texnologiyasiga bog‘liq
bo‘ladi.
94
Do'stlaringiz bilan baham: |