Nazorat savollari
1.Suv, uning sifati, talabni hisoblashni tushintirng?
2. Suv, uning sifati, talabni hisoblash va loyihalashtirishni tushintiring ?
3.Suv ta`minoti tizimi, quvurlar, montaj qilish va foydalanish qoidalarini ayting?
4.Suv ta`minoti tizimi, quvurlarni ishlatilgan jarayonini ayting?
5.Avtosug`orgichlar, ulardan fondalanish va montaj qilishni tushintirig?
6-Mavzu: Chorvachilik fermalarida mikroiqlimni ta’minlash
REJA:
1. Ichki iqlimni tashkil etish.
2. Shamollatish sistemalari.
3. Shamolatish va isitish jihozlari.
4. Shamollatishni hisoblash.
5. Yoritilganlik.
1.Zootexnik va sanitar-gigienik talablar. Chorvachilikda yuqori sifatli mahsulot olishning muhim jihatlariga binolarda ichki iqlimni tashkil etish ham kiradi.
Ichki iqlim - bu fizik, kimyoviy va biologik faktorlarning bino ichida bo’lgan havo qatlamidagi yig’indisidir. Ichki iqlimning muxim parametrlariga qo’yidagilar kiradi: harorat va havoning nisbiy namligi, havoning harakat tezligi, kimyoviy tarkibi hamda muallaq uchuvchi chang zarrachalari va mikroorganizmlar.
Bu faktorlarning qishloq xo’jalik hayvonlari va parrandalari organizmiga ta’siri ulardagi biofizik jarayonlarning o’zgarishiga olib keladi, bu esa o’z navbatida organizmga, mahsuldorlikka salbiy ta’sir etadi. Oxir oqibatda ishlab chiqarish samaradorligi pasayadi. Aytib o’tish joizki, har xil turdagi va yoshdagi Qishloq xo’jalik hayvonlari va parrandalari o’ziga xos ma’lum sharoitlardagi tashqi muhitni talab eta-diki, bu ularning fiziologiyasi va modda almashinuvi bilan bog’likdir.
Optimal ichki iqlim deganda tashqi muhit faktorlarining Shunday majmuasi tushuniladiki, bunda Qishloq xo’jalik hayvonlari va parran-dalarining organizmi fiziologik xususiyatlarini eng yaxshi jihatlarini namoyon qiladi va natijada maksimal mahsuldorlikka hamda minimal ozuqa sarfiga erishiladi.
Qishloq xo’jalik hayvonlari va parrandalarini saqlashning zootexnik va sanitar-gigienik talablarini qondirish ichki iqlimning optimal ko’rsatkichlarini binolarda texnologik loyihalash normalariga mos keltirish bilan amalga oshiriladi. Bu normalar texnologik sharo-itlardan kelib chiqib va harorat o’zgarishining, havo nisbiy namligining, havo qatlamlari ko’chish tezligining hamda havodagi zaharli gazlarning miqdori qancha bo’lishini aniqlaydi.
Umumiy holda binoga kirayotgan havoga ishlov berish changdan toza-lash, xidlarni yo’qotish (dezodoratsiya), zararsizlantirish (dezinfektsiya), qizdirish, namlash (yoki quritish) va sovitishlarni o’z ichiga oladi.
Kiradigan havoga ishlov berish texnologiyasini yaratishda sistemaning iqtisodiy jixatdan samarali bo’lishiga harakat qilish bilan birgalikda avtomatik rostlash sodda bo’lishiga e’tibor qilinadi. Bundan tashqari, binolar quruq, issiq, yaxshi yoritilgan va tashqi shovqindan chegaralangan bo’lishi lozim.
Do'stlaringiz bilan baham: |