O’zbekiston Respublikasi Oliy va o’rta maxsus ta’lim vazirligi Nizomiy nomidagi Toshkent davlat pedagogika universiteti

Ta’lim metodlarini asosan quyidagi uchta guruhga ajratish mumkin;
1.Ta’limning og’zaki metodlari.

2.Ta’limning ko’rgazmali metodlari.

3.Ta’limning amaliy metodlari.
Har bir metodning o’ziga xos afzallik va kamchiliklari mavjud bo’lib, u ta’limning mazmuni maqsad va vazifalaridan kelib chiqqan holda tanlanadi. Turli xil ta’lim metodlarining ta’lim vazifasini amalga oshirish imkoniyatlaridan foydalanib har bir mavzuga mos holda 6-ustun to’ldiriladi.

1-ustun. Ish ob’ekti - har bir mavzuni o’qitishda nazariya bilan amaliyot birligini ta’minlashga harakat qilinadi. SHu sababli berilayotgan bilimlar mazmuni bilan o’quvchilar amalda bajarilayotgan ishlari bir-biriga mos bo’lishi kerak. Bu vazifani ijobiy hal etishda kasb ta’limi bo’yicha o’quv-ishlab chiqarish (o’quv ustaxonalarida qilinadigan) ishlari ro’yxatida ko’rsatilgan buyumlarni tayyorlashda foydalaniladi. Har bir ish ob’ektini qaysi mavzuni o’qitishdan boshlab qaysi mavzuni o’qitishda tugatilishi kerak ekanligini aniqlab, so’ngra buning uchun ajratilgan vaqtni xisobga olgan holda to’ldiriladi. Bunda har bir darsda dastlabki yo’l-yo’riqlar berish va boshqa tashkiliy ishlar uchun sarflanadigan vaqtlarni ham hisobga olish zarur. Ayrim ish ob’ektlari oldin o’zlashtirilgan malakalarni rivojlantirish maqsadida ayrim ish usullarini takrorlash va yangi ish usullarini o’zlashtirish ko’rinishida tanlanadi.

2 ustunlar. Bular tanlangan ish ob’ektlarini tayyorlash uchun qanday xom ashyo (aniq turi, o’lchamlari) kerakligini qaysi o’lchov va ishchi asboblardan foydalanilishi zarurligi hamda ish ob’ektiga mos texnologik hujjatlarni ko’rsatish uchun kerak bo’ladi. SHuningdek, ushbu ustunlarda dastgohlar, ayrim qurollarning texnik pasporti yoki boshqa texnik hujjatlarni, hamda turli xil jihoz va moslamalarni ham ko’rsatish mumkin.

3-ustun. Fanlararo bog’lanish, bunda har bir mavzuni boshqa fanlardan o’rganilgan qaysi bo’limning qaysi mavzusiga bog’lab o’tish mumkinligi oldindan rejalashtiriladi.

4-ustun. Bunda o’tiladigan mavzuni o’qitish jarayonida o’qituvchi tomonidan foydalaniladigan texnik vositalar (kompьyuter, mulьtimedia, videofilьmlar va boshqalar), qo’llaniladigan pedagogik texnologiyalar ko’rsatiladi.

5-ustun. O’qituvchi va o’quvchilar ushbu mavzu mazmuni bilan tanishishda qaysi darsliklar, o’quv qo’llanmalarning qaysi betidan hamda qanday boshqa manbalardan foydalanishlari mumkinligi ko’rsatiladi

6-ustun. Izoh. Biror sababga ko’ra o’quv dasturi yoki mavzusi bo’yicha rejaga o’zgarish kiritilsa dasturning bajarilishiga oid ko’rsatmalar va boshqa izohlar berilishi ko’zda tutiladi.