O‘zbekiston Respublikasi Oliy va o‘rta maxsus ta’lim vazirligi Nizomiy nomidagi Toshkent davlat pedagogika universiteti Maxsus sirtqi bo‘lim

Nazorat ishi topshiriqlarining asosiy maqsadi: Maxsus ta’lim muassasalari o‘quv rejalarida fanlarning bloklar bo‘yicha taqsimoti, o‘quv soatlari miqdori taqsimotini o‘rganish, mutaxassislik fanlardan taqvimiy mavzuli reja tuzishni o‘rganish, dars reja konspektlarini tayyorlash, darslarni tahlil qilish va hujjatlashtirishni amalga oshirishni o‘rganish.

Nazariy ma’lumotlar.
Talabalar ongida pedagogika, pedagogika, maxsus pedagogika, mutaxassislik va maxsus fanlar bo‘yicha olgan bilimlarining yaxlit mujassamlashgan modelini shakllantirish, ularni chuqurlashtirish amalda sinab ko‘rish maqsadida «Maxsus pedagogika» (Logopediya) fani bo‘yicha sessiya oralig‘i nazorat ishi topshiriqlari taqdim etiladi. Talabalarning «Maxsus pedagogika» (Logopediya) fanidan olgan nazariy bilimlarini amalda qo‘llash va sinash, ularni kelgusi o‘qituvchilik faoliyatida kerak bo‘lgan asosiy rejalashtiruvchi (o‘quv – me’yoriy) hujjatlar mazmuni bilan tanishtirish, ularni ishlab chiqish bo‘yicha bilim, amaliy ko‘nikma va malakalar bilan qurollantirish mazkur tayyorlangan sessiya oralig‘i nazorat ishi topshiriqlari to‘plamida o‘z aksini topgan.

Talabalar «Maxsus pedagogika» (Logopediya) fanidan sessiya oralig‘i nazorat ishi topshiriqlarini bajarish jarayonida quyidagi hujjatlar bilan tanishib, ularni o‘rganib chiqishadi ayrimlarini o‘zlari tuzishni o‘rganishadi.

«Maxsus pedagogika» (Logopediya) fanida talabalar Davlat ta’lim standarti (DTS), o‘quv rejasi va dasturi, o‘qituvchining dars o‘tishi uchun zarur bo‘ladigan barcha hujjatlar mazmuni bilan tanishadilar va ularni ishlab chiqadi.