O’zbekiston respublikasi oliy va o’rta maxsus ta’lim vazirligi nizomiy nomidagi toshkent davlat pedagogika universiteti sirtqi bo’lim

№28

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

NIZOMIY NOMIDAGI TOSHKENT DAVLAT PEDAGOGIKA UNIVERSITETI


SIRTQI BO’LIM
“O’ZBEKISTON TARIXI” kafedrasi
O‘ZBEKISTON TARIXI fanidan

sessiya oralig‘i vazifalari

Тopshiriq №28


TOSHKENT-2019

O‘ZBEKISTON TARIXI fanidan sessiya oralig’i vazifalarini bajarish yuzasidan metodik tavsiyalar.
“O‘zbekiston tarixi” fani bo‘yicha sessiya oralig‘i vazifalari varianti jami 5 ta topshiriqdan iborat. Topshiriqlar 76-96 varoqlik umumiy daftarga qo‘lyozma shaklda tayyorlanadi.

1-TOPSHIRIQ bo‘yicha tavsiya etilgan adabiyotlardan foydalangan holda berilgan mavzu rejasida ko‘rsatilgan savollarga yozma tarzda javob beriladi. Har bir reja to‘liq va batafsil yoritilishi kerak. Mavzuning rejasini yoritish bo‘yicha qo‘shimcha uslubiy ko‘rsatmalar topshiriq ichida berilgan.

2-TOPSHIRIQ bo‘yicha berilgan tarixiy tushunchalarga izoh yoziladi. Har bir tarixiy tushunchaning ta’rifi odatda bitta abzatsda, qisqa va lo‘nda bayon etilishi maqsadga muvofiq. Masalan:

Paleolit (yunoncha “paleos” – qadimgi, “litos” – tosh) – qadimgi tosh davri. Paleolit davri insoniyat tarixida eng uzoq davom etgan tarixiy davr bo’lib 2,5-mln. Yildan 12-ming yillikkacha bo’lgan davrni o’z ichiga oladi. Paleolit davri o’z navbatida ilk paleolit (2,5-mln. – 100-mingginchi yilliklar), o’rta paleolit (100-40-ming yilliklar) va so’nggi (yuqori) paleolit (40-12-ming yilliklar) bosqichlariga bo’linadi.

3-TOPSHIRIQda Vatanimiz tarixida muhim rol o‘ynagan sulolalarga yozma javob beriladi. Topshiriqni bajarish jarayonida har bir sulolaning mavjud bo‘lgan davri, hukmronlik qilgan hududlari, sulola vakillari, poytaxti va shaharlari, ichki va tashqi siyosati, ijtimoiy-iqtisodiy va madaniy hayotiga oid ma’lumotlar aks ettirilishi lozim.

4-TOPSHIRIQ ikki qismdan iborat. Dastlab, O‘zbekiston tarixining ma’lum bir davri yuzasidan 30 ta test savollariga javob yoziladi. Testning kaliti quyidagi shaklda beriladi:

№	To‘g‘ri javob	№	To‘g‘ri javob	№	To‘g‘ri javob
1.	A	11.		21.
2.	B	12.		22.
3.	C	13.		23.
4.	D	14.		24.
5.		15.		25.
6.		16.		26.
7.		17.		27.
8.		18.		28.
9.		19.		29.
10.		20.		30.

Topshiriqning ikkinchi qismida berilgan mavzu yuzasidan individual tarzda 30 ta test savoli tuziladi. Topshiriq baholanayotganda tuzilgan test savollarining murakkablik darajasi va mantiqiy izchilligiga e’tibor beriladi.

5-TOPSHIRIQda Vatanimiz tarixida muhim o‘rin tutgan 5 ta tarixiy shaxs haqida yozma javob tayyorlanadi. Mazkur tarixiy shaxslar haqida ma’lumot yozayotganda ularning yashagan davri, hayot yo‘li (biografiyasi), ijodiy merosi, Vatanimiz tarixi va qolaversa umuminsoniyat tarixida tutgan o‘rniga batafsil, holisona baho berish lozim bo‘ladi.


Topshiriqlar bo‘yicha baholar taqsimoti

№	Topshiriqlar	Ajratilgan baho
1.	1-topshiriq (Mavzu konspekti)	5
2.	2-topshiriq (tarixiy tushunchalar izohi)	5
3.	3-topshiriq (sulolalar haqida ma’lumot)	5
4.	4-topshiriq (Test topshiriqlari)	5
5.	5-topshiriq (tarixiy shaxslar hayoti va faoliyati)	5

14-17 – “3” baho

18-21 – “4” baho

22-25 – “5” baho

5 ta topshiriqdan jami 13 va undan past natija qoniqarsiz hisoblanib, yakuniy nazorat (imtixon)ga qo‘yilmaydi.

1-TOPSHIRIQ.
Quyidagi mavzu va uning rejalariga yozma javob bering
MAVZU: VATANIMIZ HUDUDIDA VUJUDGA KELGAN DASTLABKI DAVLATLAR.
Reja:

1. 
   Davlatchilik tushunchasi, ilk davlatlar paydo boʻlishining asosiy omillari. Qadimgi Xorazm va Qadimgi Baqtriya podsholigi.
   
2. 
   Qadimgi ajdodlarimizning chet el bosqinchilariga qarshi ozodlik kurashlari.
   
3. 
   Oʻrta Osiyoda antik davr davlatlari. Ularning ijtimoiy-iqtisodiy va madaniy hayoti.
   
4. 
   Кushonlar saltanati va uning Vatanimiz xalqlari tarixida tutgan alohida oʻrni.
   

Adabiyotlar.

1. 
   Каримов И.А. “Тарихий хотирасиз келажак йўқ”. –Т., “Ўзбекистон”, 1998.
   
2. 
   Каримов И.А. Она юртимиз бахту иқболи ва буюк келажаги йўлида хизмат қилиш – энг олий саодатдир. –Т., “Ўзбекистон”, 2015.
   
3. 
   Азамат Зиё. Ўзбек давлатчилиги тарихи. –Т., “Шарқ”, 2000. –Б. 27-63.
   
4. 
   Асқаров А. Ўзбек халқининг этногенези ва этник тарихи. –Т., “Университет”, 2007. –Б. 98-121.
   
5. 
   Пидаев М. Сирли Кушон салтанати. –Т., “Фан”. 1990.
   
6. 
   Ражабов Қ., Қандов Б., Шоймардонов И. Ўзбекистон тарихининг муҳим саналари. Тўлдирилган бешинчи нашри. – Т., “Ўзбекистон”, 2012. –Б. 22-43.
   
7. 
   Shamsutdinov R., Karimov Sh. Vatan tarixi. Birinchi kitob (qayta ishlangan ikkinchi nashri). –T., “Sharq”, 2010. –B. 31-88.
   
8. 
   Shamsutdinov R., Maxmudov X. Oʻzbekiston tarixi / Oliy oʻquv yurtlarining notarix fakultetlari uchun oʻquv qoʻllanma. –T., “Sharq”, 2013.
   
9. 
   Шониёзов К. Қанғ давлати ва қанғликлар. –Т., “Фан”. 1991.
   
10. 
    Эшов Б., Одилов А. Ўзбекистон тарихи. (Олий ўқув юртлари талабалари учун дарслик). 1-жилд. –Т., “Янги аср авлоди”, 2014. –Б. 110-194.
    
11. 
    Ўзбекистон давлатчилиги тарихи: (Очерклар) / Маъсул муҳаррирлар: Д.Алимова, Э.В. Ртвеладзе. –Т., “Шарқ”, 2001.
    
12. 
    Qodirov B., Matyaqubov X. Oʻzbekiston tarixidan mavzular boʻyicha izohli lugʻat. –T., 2015. –B. 16-27.