64.Integratsiya - ta’limda integratsiyalash o‘quv rejadagi turdosh fanlar, boshqa fanlar tarkibidagi bo‘lim, mavzularni uzviylashtirish.
65.Tabaqalashtirish - talaba (o‘quvchi)larning yosh xususiyatlari, psixofiziologik imkoniyatlari, qobiliyatlari va shaxsiy sifatlari asosida guruhlashtirib o‘quv-tarbiya jarayonini tashkil etish.
66.Ixtisoslashtirilgan ta’lim - talaba (o‘quvchi)larning qobiliyatlari, iste’dodlarini, iqtidorlarini rivojlantirish va ro‘yobga chiqarishga, ma’lum fanlar turkumi yoki sohalarni chuqur o‘rganishga yo‘naltirilgan ta’lim.
67.Ta’limda monitoring - ta’lim sifati va o‘zgarish tendensiyalarini tahlil qilish, bo‘shliqlarni aniqlash, ularni to‘ldirish bo‘yicha xulosalar berish va istiqbol yo‘nalishlarini prognozlash kompleksi.
68. Kasbiy salohiyat - pedagogning o‘z kasbi bo‘yicha ilmiy-nazariy, amaliy-uslubiy tayyorgarligi va kasb mahorati darajasi.
69.Reyting tizimi - talaba (o‘quvchi)larning DTSlar asosida egallagan bilim, ko‘nikma va malakalarini baholashning ko‘p balli tizimi.
70.Masofaviy ta’lim - zamonaviy axborot-komunikatsiya texnalogiyalari vositasida masofadan turib ma’lumotlarni uzatish, qabul qilish orqali ma’lum fan yoki soha bo‘yicha o‘qitish.
71.Qonun - O‘zbekiston Respublikasida eng muhim va barqaror ijtimoiy munosabatlarni tartibga soladigan masalalar bo‘yicha, O‘zbekiston Respublikasi Oliy Majlisi tomonidan yoki referendum o‘tkazish yo‘li bilan qabul qilinadigan oliy yuridik kuchga ega bo‘lgan normativ hujjat.
72.Farmon - turmushda, hayotda, xalq xo‘jaligida, iqtisodiyotda, ta’limda, ishlab chiqarishda va boshqa soxalarda juda katta o‘zgarishlarga olib keladigan o‘ta muxim masalalarni tartibga solish va mustahkamlash yuzasidan O‘zbekiston Respublikasining Konstitutsiyasi va qonunlari asosida hamda ularni ijro etish uchun O‘zbekiston Respublikasi Prezidenti tomonidan qabul qilinadigan normativ hujjat.
73.Farmoyish – kechiktirib bo‘lmaydigan va tezda bajarilishi lozim bo‘lgan masalalar bo‘yicha O‘zbekiston Respublikasi Prezidenti tomonidan qabul qilinadigan normativ hujjat.
74.Qaror -O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari asosida hamda ularni ijro etish uchun O‘zbekiston Respublikasi Vazirlar Mahkamasi tomonidan qabul qilinadigan normativ hujjat.
75.Buyruq-O‘zbekiston Respublikasining Konstitutsiyasi va qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari va farmoyishlari, O‘zbekiston Respublikasi Vazirlar Mahkamasining qarorlari va farmoyishlari asosida hamda ularni ijro etish uchun vazirliklar, davlat qo‘mitalari, idoralar, korxonalar va tashkilotlar tomonidan qabul qilinadigan normativ hujjat.
Do'stlaringiz bilan baham: |