O‗zbekiston respublikasi oliy va o‗rta maxsus ta‘lim vazirligi namangan davlat universiteti ijtimoiy-iqtisodiy fakul‘teti

Fromm  Erix(1900-1980)—  germaniyalik  —  amerikalik  faylasuf, 
sotsiolog  va  psixolog.  Neofreydizmning  asoschilaridan  biri.  Ijtimoiy 
taraqqiyot  g‗oyalarining  targ‗ibotchisi.  Geydelberg  un-tining  tugatgach,  fal. 
d-ri ilmiy darajasini olgan (1929). 1923-1924 y.da Berlindagi psixoanalitik i-
t.da  psixoanaliz  kursini  o‗tagan.  1929-1932  y.larda  Frankfurt-Maynedagi 
ijtimoiy  tadqiqotlar  i-t.ida  ishlagan.  1933  y.da  AqSHga  muhojir  bo‗lgan, 
o‗qituvchilik va ilmiy-tadqiqot ishlari b-n shug‗ullangan. 1951-1967 y.larda 
Meksikada  yashagan.  Mexiko  milliy  un-ti  qoshidagi  psixoanaliz  i-t.ga 
rahbarlik  qilgan.  1974  y.dan  SHvetsariyada  yashagan.  Uning  ―Erkinlikdan 
qochish‖ (1941), ―o‗zi uchun yashayotgan inson‖ (1947), ―Sevmoq san‘ati‖ 
(1956),  ―Dzen-buddizm  va  psixoanaliz‖  (1960),  ―Marksning  inson 

---

 
51 
konsepsiyasi‖ (1961), ―Illyuziyalar qurshovida‖ (1962), ―Inson qalbi‖ (1964), 
―Umidlar  revolyusiyasi‖  (1968),  ―Inson  destruktivligining  anatomiyasi‖ 
(1973) ―Ega bo‗lmoq yoki bor bo‗lmoq‖ (1976) kabi asarlarida gumanistik, 
psixoanalistik  qarashlari  aks  etgan.  F.  fikriga  ko‗ra,  inson  evolyusion 
o‗zgarishlar  natijasida  vujudga  kelgan  mavjudot  bo‗lib,  xuddi  o‗sha 
o‗zgarishlar,  instinktlar,  ya‘ni  tug‗ma  his-tuyg‗ulari  tufayli  avvaldan 
moslashgan,  o‗zini  o‗rab  turgan  atrof-muhit  doirasidan  tashqariga  chiqadi, 
fahm-farosat, ong hosil qiladi. YAngi moslashuv mexanizmi insonni biologik 
kemtiklarini bekitish uchun qulayliklar yaratadi. Maxsus xususiyatlar: o‗zini, 
alohida  o‗ziga  xos  mavjudot  ekanligini  fahmlash,  o‗tmishni  eslash  va 
kelajakni  oldindan  ko‗ra  bilish,  hodisalar  va  voqealarni  birini-ikkinchisidan 
ajratib turadigan belgilarni aniqlay olish, olamni tushunish va uni aql-farosat 
yordamida  bilish  kabilar  insoniy  sifatlarni  shakllantirish  uchun  asos 
vazifasini  bajaradi.  Inson  borlig‗ining  turli  xususiyatlarini  hoz.  zamon 
sivilizatsiyasi  va  madaniyati  ta‘sirida  chuqur  tahlil  qilgan  F.  ning 
tushuntirishicha,  inson  deb  nomlanuvchi  mavjudotning  ontologik  asoslarini 
bir  tomondan  inson  borlig‗ining  biri-birini  doimo  to‗ldirib  turuvchi 
umumiylik va noyoblik tashkil etsa, ikkinchi tomondan, o‗sha umumiylik va 
noyoblik  biri-ikkinchisi  b-n  hech  qachon  murosaga  kela  olmasligi  tashkil 
etadi.  Umumiylik  b-n  noyoblik  o‗rtasidagi  ziddiyat  insonni  mavjud  bo‗lib 
turishi  uchun  muhim  shart  vazifasini  bajaradi.  o‗z  navbatida,  inson 
borlig‗idagi  o‗sha  noyoblik,  uni  tabiatdan,  jamiyatdan,  odamlardan,  hatto 
o‗zidan-o‗zining  begonalashuviga  olib  keladi.  Inson  o‗zining  individual 
xususiyatlari  yordamida  butun  qalbini  egallab  olgan:  bezovtalik,  vahimaga 
tushish,  qo‗rquv  kabi  illatlar  uchun,  o‗zini  aybdor,  gunohkor  deb,  his  qila 
boshlaydi,  uni  doimo  bartaraf  etish  yo‗llarini  izlaydi.  F.  ta‘limotining 
yadrosini, inson borlig‗idagi murakkab ziddiyatlar — dixotomiya o‗rtasidagi 
o‗zaro  aloqadorlik  mexanizmini  har  tomonlama  tahlil  qilish  tashkil  etadi. 
Uning fikriga muvofiq, inson borlig‗i to‗g‗risida aniq ma‘lumotga ega bo‗lish 
uchun  kishi  faoliyatidagi  biri-ikkinchisiga  qarama-qarshi  tomonlarni  ajrata 
bilish  zarur.  F.ning  fikriga  muvofiq,  inson  degan  mavjudotni  erkinlikdan 
ajratib  bo‗lmaydi.  Chunki,  inson  va  erkinlik  o‗zining  boshlang‗ich  asosiga 
ko‗ra  biri-ikkinchisidan  ajralmasdir.  Ushbu  asos,  tabiatga  moslashish 
mexanizmi  vujudga  keltirgan  majburiylikdan  qochishga  borib  taqaladi. 
Insonning  o‗sha  ―boshlang‗ich  tomir‖  b-n  aloqani  uzishi,  kishi  tabiatida 
qarama-qarshiliklar  va  muammolar,  ekzistensial  dixotomiyani  vujudga 
keltiradi. F.ni tushuntirishicha, inson tabiatidagi eng asosiy dixotomiya — bu 
hayot b-n o‗lim orasidagi kurashdir. o‗lim insonni yana boshqa dixotomiyaga 
— hali foydalanilmagan imkoniyatlar b-n, kishilarni qisqa hayoti jarayonida 
o‗sha imkoniyatlarni ro‗yobga chiqarish mumkin emasligi orasidagi kurashga 
undaydi.  F.  inson  tabiatini  tanishtirishda  Freyd  biopsixologizmidan 

---

 
52 
yiroqlashdi. Evolyusion sotsiobiologik pozitsiyada turdi. Tarixiylik prinsipiga 
asoslandi.  Insondagi  turli  ehtiroslar  kishining  instinktlari  b-n  emas,  balki 
uning  ijtimoiy  tabiati  b-n  bog‗liq  ekanligini  isbotlashga  urindi.  Instinktlar 
insonni  fiziologik  ehtiyojlarini  qondirish  uchun  xizmat  qiladi.  Ehtiroslarni 
vujudga  kelishida,  nafaqat  instinktlar,  balki  biosotsial  motivlarning  kuchi 
yirik  ahamiyatga  ega  bo‗ladi.  Insonning  ehtiroslari  (mas.:  muhabbatga, 
erkinlikka,  sadizmga,  mazoxizmga  moyilligi)  uning  o‗ziga  xos  maxsus 
ekzistensial  ehtiyojlariga  bo‗lgan javobidir.  Ushbu  holatlar,  shubhasiz  uning 
xarakterida  o‗z  ifodasini  topadi.  Bunday  almashish  holatlarni  F.  insondagi 
zaif  rivojlangan  instinktlarning  almashinuvidir,  deb  tushuntiradi.  F.  fal-iy 
ta‘limotidagi  eng  muhim  g‗oyalardan  yana  biri—  inson  erkinligi 
muammosidir. Uning e‘tirof etishicha, insondagi erkinlik unga bunyodkorlik 
b-n  shug‗ullanish  uchun  qulay  shart-sharoit  yaratib  beradi.  Favqulodda 
tashkilotchilik va uyushqoqlikka da‘vat etadi. Agar inson shunday sharoitda 
b.  kishilar  b-n  hamkorlik  qila  olmasa,  unda  erkinlikdan  qochish  holatlari 
sodir bo‗ladi. Xuddi shunday holatlar, F. asos solgan ―Erkinlikdan qochish‖ 
konsepsiyasida  har  tomonlama  tahlil  qilindi.  Ushbu  konsepsiya  yordamida 
Germaniyada  fashistlarni  hokimiyat  tepasiga  kelish  jarayoni  tushuntirib 
berildi. ―qochish‖ning asosida tashqi muhitdan ajratib qo‗yilgan individning 
ishonchsizligi va uning besamar mehnati, yuzaki hamkorlikka intilishi yotadi. 
―qochish‖ni  avtoritar  yo‗li  sadizm  va  mazoxizm  kabi  ijtimoiy  mexanizmlar 
yordamida  amalga  oshiriladi.  YAngi  hukmronlikka  (sadizm)  yoki  tobelikka 
(mazoxizm)  intilish  ruyobga  chiqariladi.  F.ni  e‘tirof  etishicha,  sadizm  va 
mazoxizm  biri-ikkinchisidan  ajralgan  holda  alohida  yashamaydi  va  yagona 
avtoritar xarakterni turli tomonlari shaklida namoyon bo‗ladi. Xuddi shuning 
uchun  ham  avtoritarizmda  –  yo  tobelikka,  yo  xukmronlikka  ya‘ni 
―hokimiyatga  intilish‖ga  moyillik  kuchli  bo‗ladi.  ―qochish‖ning  boshqacha 
uslubi destruktivizm bo‗lib, inson ongi  va faoliyatdagi najotsizlikni  bartaraf 
etishda,  jamiyatning  shaxs  ma‘naviyatini  emiruvchi  omillarga  qarshilik 
ko‗rsatishga  bo‗lgan  intilishlarida  yaqqol  ko‗rinadi.  Destruktivizm  insonni 
ruhiy  energiyasi  b-n  dialektik  aloqador.  Destruktiv  psixika  insonni 
favqulodda  hamkorlikka  intilishga  imkon  bermaydi.  Chunki,  o‗sha 
destruktivizm  insonni  tashqi  muhitdan  ajratib  qo‗yishga  xizmat  qiladi. 
Shuning uchun ham, destruktivizm va sadomazoxizmning maqsadlari turlicha 
bo‗lishiga  qaramasdan,  ular  o‗z  mohiyatiga  o‗xshashdirlar.  Va  g‗oyat 
―avtomatlashgan  konformizm‖  vositasida  ―qochish‖  shakli,  F.ning  fikriga 
ko‗ra, rivojlangan industrial jamiyatlarda eng ko‗p tarqalgan bo‗lib, insonni 
o‗z ―men‖idan yiroqlashishida, shaxs mustaqilligini emirilishida, bir qolipda 
fikr-mulohaza  yurituvchi  kishilar  soni  qo‗yilishida,  standartlashgan  xulq-
atvor, xatti-harakatni vujudga kelishida o‗z ifodasini topadi. F. yaratgan fal-iy 
ta‘limot-psixoanalitik,  ekzistensialistik,  antropologik  va  marksistik 

---

 
53 
g‗oyalarning  sintezidir.  U  o‗z  ta‘limotida  inson  borlig‗ida  mavjud  bo‗lgan, 
biri-ikkinchisiga  hamisha  zid  turgan  murakkab  ziddiyatlarni  bartaraf  etish 
yo‗llarini  qidirdi.  Ayniqsa,  inson  faoliyatidagi  begonalashuvning  turli 
ko‗rinishlarini  yo‗qotishga  urindi.  G‗arbiy  Evropa  sivilizatsiyasini 
sog‗lomlashtirmoqchi, insonparvarlashtirmoqchi bo‗ladi. SHaxsning erkin va 
ijodiy  rivojlanishi  yo‗llarini  aniqlab  berishga  harakat  qildi.  Insonshunoslik 
to‗g‗risidagi  fanga,  individ  psixikasi  b-n  jamiyat  sotsial  strukturasi 
o‗rtasidagi  o‗zaro  aloqadorlikni  ifodalovchi  ―ijtimoiy  xarakater‖ 
tushunchasini  kiritdi.  Xuddi  shu  tushuncha  yordamida  G‗arbiy  Evropa 
madaniyati  taraqqiyotining  asosiy  xususiyatlarini  aniqlab  berdi.  Ushbu 
metodologik  tayanchga  asoslanib,  jamiyatning  ijtimoiy  hayotida  vujudga 
kelgan  depersonalizatsiya,  degumanizatsiya,  begonalashuv  kabi  illatlarning 
sabablarini  tushuntirishga  harakat  qildi.  Ana  shunday  illatlar  ta‘sirida 
shakllangan  ijtimoiy  xarakterni  barcha  turlarni  (mazoxistik,  sadistik, 
destruktiv,  konformistik  va  b.)  aniqlab  berdi.  Ijtimoiy  xarakterni  uzluksiz 
o‗zgarib turishini alohida qayd etdi. F.ning fikricha, ijtimoiy xarakter qudrati 
inson  shaxsini  shakllanish  jarayoniga,  uning  ijtimoiy  yoki  madaniy 
modellariga  ko‗rsatayotgan  ta‘siri  b-n  belgilanadi.  Ijtimoiy  xarakter  o‗ziga 
turli  ijtimoiy  xususiyatlar  yig‗indisini  mujassamlashtiradi.  F.  o‗zi  yaratgan 
ta‘limotni  ―Gumanistik  psixoanaliz‖,  deb  atadi.  Uningcha,  inson  borlig‗ida 
mavjud  bo‗lgan  turli  illyuziyalar,  chunonchi,  totalitar,  begonalashuv 
sharoitida  inson  o‗zining  ijtimoiy  ahvolini  anglab  etishi,  o‗zining  ijtimoiy 
mohiyatini  va  ―kichkina  men‖i  o‗rniga haqiqiy  ―o‗zligini‖ namoyon  qilishi, 
chinakam  hayotiy  dunyoqarashning  shakllanishi  va  ichki  axloqiy  poklanish, 
individ  b-n  tabiat,  shaxs  b-n  jamiyat  o‗rtasidagi  uyg‗unlashuvning  tiklanishi 
―gumanistik psixoanaliz‖dagi taklif etilgan ijtimoiy vositalardan foydalanish 
tufayli amalga oshadi.