О‘zbekiston respublikasi oliy va о‘rta maxsus ta’lim vazirligi navoiy davlat konchilik instituti

Quttisimon detallar uchun tavsiyalar:

• 
  detal konstruktsiyasi tekis yuzalarni o`tib ishlov berishga (naproxod) layoqatlimi yoki bunday ishlov berishga nima to`sqinlik qiladi?
  
• 
  teshiklarga ko`p shpindelli dastgohlarda bir vaqtda ishlov berish imkoni bormi? Teshik o`qlari orasidagi masofani hisobga olgan holda.
  
• 
  teshiklarni yo`nib kengaytirishda ikki tomondan ishlov berish imkoni mavjudmi?
  
• 
  ishlov beriladigan yuzalarga kesuvchi asbobni erkin etib borishi mumkinmi?
  
• 
  quymalarni ichki bo`shliqlarini yon yuzalarini kesib ishlov berish zarurmi va uni o`zgartirish imkoni yo`qmi?
  
• 
  yopiq teshiklar bormi va ularni ochiq teshiklar bilan almashtirish imkoni bormi?
  
• 
  o`tkir va o`tmas burchak ostida kesishuvchi tekis yuzalar bormi va ularni o`zaro parallel yoki perpendikulyar tekis yuzalar bilan almashtirish mumkinmi?
  
• 
  kirish va chiqish yuzalariga to`g’ri burchakdan farq qiluvchi o`qqa ega teshiklar mavjudmi va ularni almashtirish imkoni bormi?
  
• 
  detalning bikrligi yuqorimi? U kesish holatini chegaralamaydimi?
  
• 
  Detal konstruktsiyasida asos yuzalarining orasidagi masofa va o`lchamlar yetarlimi, agar yo`q bo`lsa yordamchi bazalar qanday holatda tanlanadi?
  
• 
  konstruktsiyada katta o`lchamli ichki rez’balar bormi va ularni boshqa konstruktiv elementlar bilan almashtirish mumkinmi?
  
• 
  xom–ashyo olish usuli qanchalik sodda, konstruktsiyaning elementlari xom-ashyo olish nuqtai nazaridan to`g’ri tanlanganmi?
  

Valar uchun quyidagilarni ko`rsatish mumkin:

• 
  yuzalarni o`tuvchi keskichlar iblan ishlov berish imkoniyati bormi?
  
• 
  valning bo`yinchalari diametrlari chetki tomonga qarab kamayib boradi?
  
• 
  katta flanetslarni yoki chiqiqlarni kichraytirish imkoni bormi yoki ularni butunlay yo`qotish mumkinmiq Bu almashtirish metalldan foydalanish koeffitsientiga qanday ta`sir qiladi?
  
• 
  yopiq shponka ariqchalarini samaradorligi nisbatan yuqori bo`lgan disksimon frezalar bilan ishlov beriluvchi ochiq shponka ariqchalari bilan almashtirish imkoni bormi?
  
• 
  ko`ndalang kanavkalar shakli va o`lchamlari gidronusxalash dastgohlarida ishlov berish imkonini beradimi?
  
• 
  valning bikrligi uni yuqori aniqlikda ishlov berish imkonini beradimi (valning bikrligi etarli hisoblanmaydi, agar 6..9 aniqlik kvalitetlarida tayyorlash uchun val uzunligining diametriga nisbati 10…12 bo`lsa. Nisbatan kichikroq kvalitetlarda ishlov berishda bu nisbatni 15 gacha oshirish mumkin. Agar ko`p keskichli ishlov berishni amalga oshirish talab etilsa nisbat 10 gacha kamaytiriladi?
  

Shuni inobatga olish kerakki, silliq vallarni tayyorlash pog’onali vallarni tayyorlashga nisbatan osonroq va arzonroqdir. Shu sababli pog’onali vallarni imkon qadar silliq vallarga almashtirish imkonini ko`rish kerak.