О‘zbekiston respublikasi oliy va о‘rta maxsus ta’lim vazirligi navoiy davlat konchilik instituti

Nazorat savollari

1. 
   AutoCAD tizimi haqida umumiy ma’lumotlar aytib bering.
   
2. 
   Foydalanuvchi interfeysi qanday sozlanadi?
   
3. 
   Uskunalar panelini bayon qiling.
   
4. 
   Ob’yektning xususiyati panelida nimalar joylashadi?
   
5. 
   “O’zgartirish” paneli qanday ochiladi?
   

LABORATORIYA ISHI № 6
CAE dasturlarida loyiha analizlarini hisoblash usullari bilan tanishish


Tajriba ishning maqsadi: chizmada ko`rsatilgan texnik talablar va ma`lumotlar asosida konstruktsiyasi to`g’risida tushuncha olish, shuningdek ko`rilayotgan konstruktsiyaning texnologikligini yaxshilash imkoniyatlarini aniqlash.


Ishni bajarish uchun kerakli material va jixozlar

1. 
   Detallarning ishchi chizmalari.
   
2. 
   Tipli detallarni tayyorlash uchun texnologik jarayonlar.
   
3. 
   Mazkur ishni bajarish uchun uslubiy ko`rsatmalar.
   
4. 
   Detal konstruktsiyasini yaxshilash bo`yicha me`yorlar va Davlat standartlari.
   

Nazariy ma`lumotlar
Texnologik loyihalash jarayonida, shuningdek ishlab chiqarish sharoitlarida har qanday konstruktsiya (mashina, uzel, detal) sinchiklab tahlil qilinishi kerak. Bunday tahlilning asosiy maqsadi chizmada va texnik talablarda berilgan ma`lumotlar asosida konstruktsiyaning kamchiliklarini aniqlash, shuningdek ko`rib chiqilayotgan konstruktsiyani yaxshilashdan iborat.
Chizmani texnologik nazorat qilish uni sinchiklab o`rganishga qaratiladi. Ishlov beriladigan detallarning ishchi chizmalari detal to`g’risida barcha ma`lumotlar, to`liq tasavvur beradigan proektsiyalar, qirqimlar va xom-ashyo olish to`g’risida ma`lumotlar bo`lishi kerak. Chizmada barcha o`lchamlar va o`lchamlarning oraliq chetlanishlari, yuzalar g’adir–budirligi, geometrik shakldan chetlanishi va o`zaro joylashishi dopusklari keltirilgan bo`lishi kerak. Detalning chizmasi uning materiali to`g’risida, termik ishlov berish, qo`llaniladigan himoya va dekorativ qoplamalar, detal massasi va boshqa zarur ma`lumotlar keltirilishi zarur. Shunday qilib, texnologik nazorat texnologik jarayonni loyihalashda muhim bosqich hisoblanadi, u yuqorida keltirilgan omillarni hisobga olib amalga oshirilishi mumkin.
Konstruktsiyani texnologik tahlil qilish ishlab chiqilayotgan texnologik jarayonning texnik-iqtisodiy ko`rsatkichlarini yaxshilashni ta`minlaydi.
Ishlov beriladigan detalning konstruktsiyasini texnologik tahlil qilishda ko`rib chiqiladigan asosiy masalalarga mehnattalablikni, metalltalablikni kamaytirish va ishlov berishning yuqori samaradorligini ta`minlashga qaratiladi. Shunday qilib, konstruktsiyaning texnologikligini yaxshilash detalning xizmat vazifasini o`zgartirmay turib, uning tayyorlanish tannarxini kamaytirishga olib keladi.
Tahlil qilishni soddalashtirish uchun, ayrim guruhdagi detallar uchun alohida tavsiyalar ishlab chiqishi talab etiladi.