O’zbekiston respublikasi oliy va o’rta maxsus ta’lim vazirligi namangan davlat universiteti differensial tenglamalar va matematik fizika kafedrasi

1. ILMIY-PEDAGOGIK ISHNING MAQSADI, VAZIFASI, PREDMETI VA OBYEKTLARI


Ilmiy-pedagogik ishning maqsadi - magistratura talabalarini zamon talablariga javob bera oladigan ilmiy-pedagogik faoliyatga tayyorlashdir.
Ilmiy-pedagogik ishning vazifasi – qo’yilgan maqsadga, tegishli qonuniy-me’yoriy xujjatlarda belgilangan talablarga asoslangan holda pedagogik malaka va ko'nikmalarga erishishni ta’minlashdan iborat. Bu vazifa magistrantlarning mutaxassislik kafedrasi tomonidan tayinlangan yuqori malakali ilmiy rahbarlar yordamida yangi pedagogik texnologiyalarni o’zlashtirishni, o’quv jarayonida fanlardan olingan nazariy va amaliy bilimlarni tizimli-uslubiy ravishda ilmiy-pedagogik faoliyatga joriy qilish uchun ko’nikmalar hosil qilishni o’z ichiga oladi. Bunda magistrantlarga nazariy ta’lim jarayonida o’qitiladigan umummеtodologik fanlardan «Pedagogik texnologiyalar va pedogogik maxorat», «Axborot tizimlari», «Ilmiy tadqiqot mеtodologiyasi» kabi fanlar nazariy-uslubiy asos bo’lib xizmat qiladi. Ilmiy-pedagogik ishda magistrantlarni shu fanlardan olgan nazariy va amaliy bilimlari ilmiy rahbarlari yordamida amaliyotda sinab ko’rishga hamda ularni amalga oshirishga bevosita yordam beradi.