O`zbekiston respublikasi oliy va o’rta maxsus ta`lim vazirligi namangan davlat universiteti pedagogika fakulteti

Nazariyani amaliyot bilan bog’lash. 
Ilmiy 
bilimlar 
kishilarning 
ishlab chiqarish faoliyati ehtiyojlari asosida paydo bo’lib, ana shu faoliyatga 
xizmat qilganligi va hayot bilan bog’langanligi sababli, bu bilimlarni egallash 
uchun ularning mazmunini o’zlashtirib olishgina emas, balki bilimlarni amalda 
qo’llay bilish ham zarur. O’quvchilarni amaliy faoliyatga tayyorlash nazariy 
bilimlar berish jarayonida boshlanadi. Keyinchalik u tajriba va amaliy 
mashg’ulotlarda davom ettiriladi. Bu mashg’ulotlarda o’quvchilar o’qituvchi 
rahbarligida tajriba sharoitida olingan bilimlarning ishonarli ekanligini 
tekshiradilar, ularni mustahkamlaydilar va chuqurlashtiradilar hamda ularda a na 
shu bilimlarni amalda qo’llash ko’nikmalari va malakalari hosil bo’ladi.
Nazariyani amaliyot bilan bog’lash o’quvchilarni amaliy masalalarni hal 
qilishda nazariyaning ahamiyatini tushunishga olib keladi, bu uning o’zlashtirish 
sifatini ko’taradi. Bu qoida mehnat ta‘limi va o’quvchilarni amaliy faoliyatga 
tayyorlash vazifalarini hal qilishda alohida ahamiyat kasb etadi. 
O’qitishda nazariya bilan amaliyotning bog’lanish xarakteri o’quv 
predmetining mazmuni bilan taqozo qilinadi. Texnologiyada nazariy bilimlar 
o’quvchilarni barcha ish turlari bilan, insonlar mehnati bilan amaliy tanishtirish 
jarayonida puxtaroq o’zlashtirib olinadi. Bunda amaliyot o’quvchilarni nazariyani 
o’zlashtirishga qiziqtirish uchun undan oldinroq kelishi mumkin. Chunonchi,
texnologiya darslarida o’quvcilarni ish turlari bilan tanishtirishdan avval ular 
haqida ma’lumot berish bu nazariyabo’lsa uni amaliy bajarish bu amaliyot bo’ladi. 
Shuning uchun texnologiya darslarida nazariyot amaliyot bilan birga bo’glab olib 
boriladi.
Texnologiya darslarida nazariyani amaliyot bilan bog’lanishini amalga 
oshirishga maktab yoki jamoada kuzatishlar bo’yicha amaliy ishlar o’tkazilishi 
yordam berishi mumkin. o’quv-tajriba uchastkasidagi mehnat jarayonida nazariya 
bilan amaliyot bog’lanishi yaxshi amalga oshadi. 
Texnologiya darslarida nazariyaning amaliyot bilan bog’lanishini amalga 
oshirib borishda shuni esda tutish kerakki, o’quvchilarning amaliy faoliyati 
ularning nazariy bilimlarni o’zlashtirib olishga bo’lgan intilishlarini 
bo’shashtirmasligi lozim. Amaliy ishlar uchun shunday ob‘ekt va tajribalarni 
tanlash kerakki, ular nazariy qoidalarni tasdiqlash va bilimlarni chuqurlashtirish 
uchun xizmat qilsin. 

---

Texnologiyani o’qitishda nazariyani amaliyot bilan bog’lanish uning barcha 
bosqichlarida amalga oshirilmog’i va nazariy bilimlarning chuqurlashishiga va 
amaliy faoliyatga tayyorlashga yordam berishi kerak. O’rganiladigan nazariy 
bilimlarning mazmuniga qarab, dars va darsdan tashqari mashg’ulotlarning har xil 
shakllari, masalan, sinfdan va maktabdan tashqari ishlar, laboratoriya ishlari, 
ekskursiyalar, amaliy mashg’ulotlar, ijtimoiy-foydali mehnatdan foydalanilishi 
mumkin. Amaliy ishlar, tajriba va laboratoriyalar o’quvchilar amaliy faoliyatining 
muhim bosqichi bo’lib, ular egallab olgan nazariy bilimlari asosida ko’nikma va 
malakalar hosil qiladilar nazariy va amaliy bilim to’ldirilib, aniqlashtirilib boriladi.