O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Nojo'ya ta'siri. Nimesulidni mahalliy qo'llanadigan preparatlari odatda yaxshi
o'zlashtiriladi. Kuzatiladigan nojo'ya samaralariga o'rtacha yoki yaqqol mahalliy irrtativ reaktsiyalar, giperemiya, toshma, deskvamatsiya, preparat qo'yilgan sohada qichishish va u bilan bog'liq bo'lgan reaktsiyalar, preparat komponentlariga yuqori sezuvchanlikni ko'rinishlari sifatida kiradi. 1% va ko'proq kontsentratsiyali kapsiatsin mahalliy qo'llanganida neyrotoksik va issiqlik giperalgeziya, achishish hissiyoti, giperemiya kuzatilgan. Nojo'ya reaktsiyalar paydo bo'lgan holda preparat qo'llashni to'xtatish va tegishli davolashni buyurish kerak. Preparat qo'llanganida tizimli nojo'ya ta'sirlar kuzatilmagan. Dozani oshirib yuborish. mahalliy qo'llanganda dozani oshirib yuborish hollari ta'riflanmagan.
Qo'llash mumkin bo'lmagan holatlar. Nimesulidga, metilsalitsilatga, boshqa NYAQP larga, mentolga, kapsiatsinga va preparatning boshqa komponentlariga aniqlangan yuqori sezuvchanlik, jigar yetishmovchiligini o'rtacha va og'ir darajasi, homiladorlik va laktatsiya davrida.
Qo'llashning o'ziga xosligi. Homiladorlar va emizuvchi ayollarda qo'llash
Nimesulid homiladorlar va emizuvchi ayollarda ishlatilmaydi. Homiladorlik va laktatsiya davridagi uni samaradorligi va xavfsizligini tasdiqlovchi tekshirishlar o'tkazilmagan.
Homilani rivojlanishiga ta'siri haqida ma'lumotlar yo'q.
Pediatriyada qo'llanilishi. Bolalarda qo'llash bo'yicha ko'rsatilishi va tavsiyalar ma'lum emas.
Haydovchilarda va mexanizmlar bilan bog'liq bo'lgan ishchilarda ishlatish samarasi. Nimesulidni ichga qabul qilayotgan patsientlar uni nojo'ya ta'siri – bosh aylanishi haqida ogohlatirilgan bo'lishlari kerak. Haydash va ishlash vaqtida ehtiyotkorlik bilan qo'llash kerak. Nimesulid mahalliy qo'llanganidan keyin bosh aylanishini hollari ta'riflangan emas.
Mutagenligi va kantserogenligi. Turli tekshirishlarda preparat mutagenlikka ega bo'lmagan. Shuningdek preparatni in vitro limfotsitlar xromosomalariga ta'siri va N-timidin bilan kul`tivirlangan odam limfotsitlari bilan o'zaro ta'siri haqida ma'lumotlar yo'q.