O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Farmakologik xususiyatlari. Preparatni farmakologik xususiyati tarkibidagi vitaminlar va minerallar majmuasi bilan ifodalanadi.
A vitamini - turli moddalarni (oqsillar, lipidlar, mukopolisaharidlar) sintezida ishtirok etadi.
D3 vitamini - homiladorlar organizmida kal`tsiy va fosfor muvozanatini tutib turishda katta ahamiyatga ega. Uning yetishmovchiligi bolalarda raxit kasalligini kelib chiqishiga, kattalarda esa suyak to'qimalarida kal`tsiyni yetishmasligiga (osteoporoz) olib keladi.
B-guruhidagi vitaminlari - organizmdagi turli ko'rinishdagi modda almashinuvlarida ishtirok etadigan fermentlarning hosil bo'lishida ishtirok etadilar.
Folat kislotasi- qon xujayralarini me'yorida hosil bo'lishi uchun zarur, eritropoezni rag'banlantiradi, aminokislotalarni sintezida ishtirok etadi. Homiladorlikning erta davrlarida homilada nerv naychasida nuqsonlar rivojlanishi xavfini pasaytiradi.
E vitamini - tabiiy antioksidantdir. Qonning yuqori ivuvchanligini oldini oladi va periferik qon aylanishiga ijobiy ta'sir ko'rsatadi. Oqsillar va gemoglobin sintezida, xujayralarning o'sish jarayonida, skelet mushaklari, yurak va tomirlar, jinsiy a'zolarning faoliyatida ishtirok etadi. Homiladorlikning erta davrlarida E vitaminining yetishmovchiligi bola tashlashga sababchi bo'lishi mumkin.
C vitamini - bir qator biologik faol moddalarning oksidlanishida, biriktiruvchi to'qimadagi modda almashinuvni boshqarilishida, karbonsuvlar almashinuvida, qonning ivishi va to'qimalarning regeneratsiyalanishida ishtirok etadi, steroid gormonlarning hosil bo'lishini rag'batlantiradi, kapillyarlarning o'tkazuvchanligini me'yorlashtiradi, organizmning infektsiyalarga qarshiligini oshiradi, yallig'lanish reaktsiyalarini kamaytiradi.
Kaltsiy - suyak to'qimasini shakillanishida, qon ivishida, nerv impul`slarini o'tkazilishida, skelet va silliq mushaklarning qisqarishida, yurak ishini me'yorda kechishida ishtirok etadi. U temirning so'rilishini ta'minlaydi.
Temir - gemoglobin molekulasini bir qismi bo'lib, organizmda kislorodni tashilishida ishtirok etadi va homilador ayollarda, ayniqsa homiladorlikning II-III uchoyliklarida anemiya rivojlanishini oldini oladi.
Ruh - homila skeletining shakllanishi va to'qimalarning regeneratsiyasi uchun zarur, ba'zi gormonlarning (shu jumladan insulinni) tarkibiga kiradi, homilada qator anomaliyalar bo'lish ehtimolini kamaytiradi.
Qo'llanilishi. Homiladorlik bo'lishiga tayyorgarlik ko'rish davrida, homiladorlik davrida va tug'ishdan keyingi davrlardagi gipovitaminoz va mineral moddalarning yetishmovchiligini oldini olish va davolash;
- homiladorlarda temir tanqisligi anemiyasini, bola organizmida kal`tsiy tanqisligini oldini olish uchun qo'llanadi.