O’zbekiston respublikasi oliy va o’rta maxsus ta’lim vazirligi munira Jo’raqulovna Allayeva, Ziyovuddin Zaynutdinovich Hakimov, Soloy Ro’zimamatovich Ismailov, Salohiddin Djo’rayevich Aminov

Rp.: Strychnini nitratis (0,001x50) 0,05
Masse pilularum q.s.
ut f. pilulae N.50
D.S. 1 ta pilyuladan kuniga 2 mahal ichilsin
Bulardan tashqari, qattiq dori shakllariga karamel (caramel) hamda pastilka yoki troshe (throchiscius) lar ham kiradi. Ular amaliy tibbiyotda boshqa qattiq dori shakllariga nisbatan kamroq ishlatiladi. Shuning uchun ularning retseptda yozilish shakllariga alohida to‘xtalib o‘tishni lozim deb topmadik.
Har-xil yangi dori shakllari
Har-xil dori shakllariga kiritilgan ko‘z plenkalari hamda aerozollar nisbatan yangi hisoblanishlariga qaramasdan, hozirgi kunda amaliy tibbiyotda juda keng ishlatilmoqda.
Ko‘z plenkalari – Membranulae ophtalmicae (bosh kelishik birlik sonda – membranulae ophtalmicae, chiqish kelishigi birlik sonda – membranulas ophtalmicas) – o‘lchamlari 9x4,5x0,35 mm bo‘lgan va o‘zida ma’lum dozadagi dori moddalarini tutgan hamda ko‘z yoshida erib ketadigan sterillangan polimer plenkalar (pardachalar) dir. Ularni kon’yunktiva bo‘shlig‘iga joylash tirgandan keyin preparatlarning terapevtik konsentratsiyasi 24 soat va undan ham uzoq muddatga saqlanib turadi. Germetik yopiladigan shisha idishlarda bunday plenkalarning turg‘unligi 1 yildan ham ortiq muddat davomida saqlanib turadi.
Ko‘z plenkalari ko‘z tomchilariga nisbatan quyidagi afzalliklarga ega:
1) dori vositasi nisbatan aniqroq dozalanadi;
2) preparatning terapevtik konsentratsiyasi uzoq muddat davomida ushlab turiladi;
3) sterillikni saqlab turish oson;
4) yuqori turg‘unlikka ega.
Ularning hammasi ofitsinal bo‘lganligi sababli, retseptda qisqartirilgan shaklda yoziladi.
Misol: Tarkibida sulfapiridazin-natriy saqlagan 30 ta ko‘z plenkasiga retsept yozilsin va kuniga 1 ta plenkadan pastki qovoq orqasiga joylashtirilsin.
Rp.: Membranulas ophtalmicas cum Sulfapyridazinum-natrio N.30